پشاور، آئس نشے میں دھت شخص نے ماں اور بیوی کو قتل کردیا

پشاور، آئس نشے میں دھت شخص نے ماں اور بیوی کو قتل کردیا

  



پشاور (این این آئی)پشاور میں آئس نشہ کرنے والے جنونی شخص نے فائرنگ کر کے ماں اور بیوی کو قتل جب کہ بیٹی، والد اور بہن کو زخمی کردیا۔تفصیلات کے مطابق عزت خان ولد ریدی گل سکنہ چرگانو جو پیشے کے لحاظ سے مستری ہے اور بد قسمتی سے آئس نشے کی لت میں مبتلا ہے نے کسی نامعلوم(بقیہ نمبر50صفحہ12پر)

وجہ سے اپنی بیوی، والد، والدہ، بہن اور ایک بیٹی کو فائرنگ کر کے شدید زخمی کیا جن میں سے والدہ اور بیوی زخموں کی تاب نہ لاتے ہوئے موقع پر ہی جاں بحق اور بیٹی، والد اور ایک بہن شدید زخمی ہوگئے۔زخمیوں کو ابتدائی طبی امداد کے لیے ہسپتال منتقل کردیا گیا جب کہ دونوں مقتولین خواتین کی لاشیں پولیس تحویل میں لے کر ہسپتال منتقل کردی گئی ہیں۔واقعہ کی اطلاع ملتے ہی پولیس کی بھاری نفری موقع پر پہنچ گئی۔ ملزم نے پولیس کی آمد کی اطلاع ملتے ہی گرفتاری سے بچنے کے لیے اپنے دو بچوں کو اسلحہ کی نوک پر یرغمال بنا کر کمرے میں بند کر لیا تھا، تاہم پولیس ٹیم نے نہایت حکمت عملی سے دونوں بچوں کو ملزم کے چنگل سے آزاد کر کے ملزم کو اسلحہ سمیت گرفتار کرلیا۔

پشاور قتل

مزید : ملتان صفحہ آخر