”مجھے پاکستانی کھلاڑی کا ایک لفظ بھی سمجھ نہیں آیا“ ڈین جونز نے اردو میں انٹرویو پر تنقید کرنے والے صحافی کو کرارا جواب دیدیا، پاکستانیوں کے دل خوش کر دئیے

”مجھے پاکستانی کھلاڑی کا ایک لفظ بھی سمجھ نہیں آیا“ ڈین جونز نے اردو میں ...
”مجھے پاکستانی کھلاڑی کا ایک لفظ بھی سمجھ نہیں آیا“ ڈین جونز نے اردو میں انٹرویو پر تنقید کرنے والے صحافی کو کرارا جواب دیدیا، پاکستانیوں کے دل خوش کر دئیے

  



لاہور (ڈیلی پاکستان آن لائن) سابق آسٹریلین کرکٹر ڈین جونز ایک صحافی ٹونی ٹارڈیو کی جانب سے پاکستانی کھلاڑی کے اردو زبان میں انٹرویو کا مذاق اڑانے پر ان کے دفاع میں سامنے آ گئے ہیں۔

ٹونی ٹارڈیو نے ایڈیلیڈ ٹیسٹ میچ سے ایک روز قبل ایک غیر ملکی خبر رساں ادارے پر پاکستانی کھلاڑی کا انٹرویو دیکھا جو اردو زبان میں تھا جس کے بعد انہوں نے اپنی ٹویٹ میں کہا کہ مجھے اس انٹرویو کا ایک لفظ بھی سمجھ نہیں آیا۔

ڈین جونز ٹونی ٹارڈیو کی اس ٹویٹ سے ذرا بھی خوش نہ ہوئے اور انہیں کرارا جواب دیتے ہوئے لکھا ”کم از کم وہ کوشش کرتے ہیں ٹونی۔۔۔ انگریزی ان کی دوسری زبان ہے اور ہمارے کھلاڑی بھی جب متحدہ عرب امارات (یو اے ای) جاتے ہیں تو انٹرویو اردو زبان میں نہیں دیتے۔“

مزید : کھیل