مسافر طیارہ حادثے کا شکار، نوبیاہتا جوڑے سمیت کتنے لوگ مارے گئے؟

مسافر طیارہ حادثے کا شکار، نوبیاہتا جوڑے سمیت کتنے لوگ مارے گئے؟
مسافر طیارہ حادثے کا شکار، نوبیاہتا جوڑے سمیت کتنے لوگ مارے گئے؟

  



اوٹاوا(ڈیلی پاکستان آن لائن) کینیڈا میں تھینکس گیونگ تقریبات میں شرکت کے لیے اپنے نجی جہاز میں جانے والے 7 مسافر ایک حادثے میں لقمہ اجل بن گئے،ہلاک ہونے والوں میں امریکی  میاں ،بیوی اور تین کمسن بچے بھی شامل ہیں جبکہ نوبیاہتا جوڑا بھی اس حادثے کا شکار ہو گیا ،سیکیورٹی اداروں کو تباہ شدہ   جہاز کا ملبہ جنگل سے مل گیا ہے۔  

بین الاقوامی خبر رساں ادارے کے مطابق کینیڈا کے شہر انٹاریو کے ایک ہوئی اڈے سے اڑان بھرنے والا چھوٹا مسافر بردار طیارہ جھیل کنارے آباد ایک جنگل میں گر کر تباہ ہوگیا جس کے نتیجے میں طیارے میں سوار 7 افراد ہلاک ہوگئے۔ ہلاک ہونے والوں میں امریکی خاندان کے علاوہ ازبک نوبیاہتا جوڑا بھی شامل ہے۔طیارہ ٹیکساس سے تعلق رکھنے والے امریکی انجینیئر اوتابیک اوبلو کلف اڑا رہے تھے جب کہ ان کی ساتھ والی نشست پر اہلیہ براجمان تھی اس کے علاوہ ان کے 11 سے 15 سال کے درمیان کی عمر کے 3 بچے بھی موجود تھے۔امریکی خاندان اپنے ہمراہ حال ہی میں دوست بننے والے ازبک نوبیاہتا جوڑے کو بھی تھینکس گیونگ تقریبات میں شرکت کے لیے انٹاریو سے کیوبک لے جارہے تھے، بعد ازاں طیارے کا رخ کیوبک کے بجائے کنگسٹن کی جانب ہوگیا تھا۔ریسکیو ادارے کے ترجمان کا کہنا ہے کہ حادثے کی وجہ کا تعین نہیں کیا جا سکا ہے تاہم خرابی موسم بھی ایک وجہ ہوسکتی ہے۔ حکومت کی جانب سے حادثے کی تحقیقات کے لیے انکوائری کمیٹی تشکیل دے دی گئی ہے۔

مزید : بین الاقوامی