شاہین آفریدی کی فیلڈنگ پر پاکستانی برہم
ایڈیلیڈ (ڈیلی پاکستان آن لائن) پاکستان اور آسٹریلیا کے درمیان ایڈیلیڈ میں جاری دوسرے ٹیسٹ میچ کا افتتاحی روز پاکستانی باﺅلرز کیلئے برا رہا اور کینگروز نے ایک وکٹ کے نقصان302 رنز کا پہاڑ کھڑا کر دیا۔
اگرچہ شاہین شاہ آفریدی نے پہلے روز واحد کامیابی دلائی مگر میدان میں ان کی ناقص فیلڈنگ نے پاکستانیوں کو برہم کر دیا جنہیں پہلے روز ہی یہ ٹیسٹ میچ ہاتھ سے نکلتا نظر آنے لگا ہے۔ شاہین آفریدی نے ڈیوڈ وارنر کی شاٹ پر اوور تھرو کے چار رنز دئیے اور اس ناقص فیلڈنگ کے باعث مجموعی طور پر ملنے والے 6 رنز اوپننگ بلے باز کی نصف سنچری مکمل کرنے میں مددگار ثابت ہوئے۔
David Warner reaches 50, thanks to some timely overthrows! #AUSvPAK | https://t.co/0QSefkJERk pic.twitter.com/dKVXDkhnDm
— cricket.com.au (@cricketcomau) November 29, 2019
بات یہیں پر ختم نہیں ہوئی بلکہ اس کے بعد ایک مرتبہ پھر ڈیوڈ وارنر نے ہی جب زوردار شاٹ لگائی تو باﺅنڈری لائن کے قریب کھڑے شاہین آفریدی سیدھا اپنی جانب آتا گیند دیکھ ہی نہ سکے جو باآسانی باﺅنڈی پار کر گئی اور یوں ڈیوڈ وارنر کے ٹیسٹ کیرئیر میں مزید چار رنز کا اضافہ ہو گیا۔
Whoops! #AUSvPAK | https://t.co/0QSefkJERk pic.twitter.com/HpEwgwlm1H
— cricket.com.au (@cricketcomau) November 29, 2019
شاہین آفریدی نے یہیں پر بس نہیں کیا بلکہ ایک مرتبہ پھر آسٹریلین بیٹسمین کے بلے سے نکلی گیند کو روکنے کیلئے اس کے پیچھے بھاگے اور گیند کو باﺅنڈری لائن سے کچھ پہلے ہی روکنے میں کامیابی یقینی نظر آنے لگی مگر اس موقع پر شاہین آفریدی لڑکھڑا گئے تو اپنی فکر لاحق ہو گئی جس کے باعث سکور بورڈ میں 4 رنز اور بڑھ گئے۔
????????#AUSvPAK pic.twitter.com/FKkW2VDDFY
— cricket.com.au (@cricketcomau) November 29, 2019
شاہین آفریدی کی جانب سے سیریز کے آخری اور اہم میچ میں ناقص فیلڈنگ پر شائقین کرکٹ مزید برہم ہو گئے ہیں جو آسٹریلین بلے بازوں کی جانب سے کھڑا کیا گیا رنز کا پہاڑ دیکھ کر پہلے ہی نالاں ہیں اور سوشل میڈیا پر اپنے خیالات کا اظہار کرنے میں مصروف ہیں۔