پکڑ دھکڑ اور مقدمات بنانا نیازی حکومت کی بوکھلاہٹ کا ثبوت
پاکستان پیپلز پارٹی کے چیئرمین بلاول بھٹو کے ترجمان سینٹر مصطفی نواز کھوکھر نے کہا ہے ملتان میں پی پی پی اور دیگر اتحادی جماعتوں کے رہنماؤں پر مقدمات قابل مذمت ہیں،ملتا ن جلسہ روکنے کیلئے نیازی سرکار اوچھے ہتھکنڈوں پر اتر آئی ہے، عبدلقادر، علی قاسم گیلانی اور دیگر رہنماؤں پر سٹیڈیم کا تالا چوری کرنے کا مقدمہ درج کرنا حکومتی بوکھلاہٹ کی انتہا ہے، ایسا کرکے حکومت خود سیاسی ماحول کو خراب کررہی ہے۔وہ ایشو آف دی ڈے میں اظہار خیال کررہے تھے۔انہوں نے کہا تبدیلی سرکار سیاسی انتقام میں اندھی ہو کر تمام حدود پھلانگ گئی ہے، جیالے اور پی ڈی ایم کے کارکن اس کٹھ پتلی راج کا جم کر مقابلہ کریں گے، سلیکٹڈ ڈکٹیٹر پرویز مشرف کا حشر دیکھ کر عبرت حاصل کر یں وہ آج نشان عبرت بنا ہوا ہے۔
مصطفی نواز کھوکھر