پاکستان 90 ارب ڈالر کی عالمی انڈسٹری میں انٹری کیلئے تیار،وفاقی وزیر نے مستقبل کی منصوبہ بندی بتا دی

پاکستان 90 ارب ڈالر کی عالمی انڈسٹری میں انٹری کیلئے تیار،وفاقی وزیر نے ...
پاکستان 90 ارب ڈالر کی عالمی انڈسٹری میں انٹری کیلئے تیار،وفاقی وزیر نے مستقبل کی منصوبہ بندی بتا دی

  

اسلام آباد(ڈیلی پاکستان آن لائن)پاکستان کو جنوبی ایشیا میں ٹیکنالوجی میدان میں ترقی کرنے والا ملک قراردیدیاگیا،پاکستان 90 ارب ڈالر کی عالمی انڈسٹری میں انٹری کیلئے بھی تیارہے،وفاقی وزیر سائنس و ٹیکنالوجی نے مستقبل کی منصوبہ بندی بتا دیا۔

نجی ٹی وی اے آر وائی نیوز کے مطابق وفاقی وزیر فواد چودھری نے کہاہے کہ پاکستان چندماہ میں گیمنگ انڈسٹری میں قدم رکھ دے گا،ویڈیو گیمز، اینی میشن انڈسٹری میں بیس فیصد گروتھ ریکارڈ ہوئی ،عالمی مارکیٹ میں حصے کیلئے بچوں کی ٹریننگ سرٹیفکیشن کررہے ہیں ،زراعت ،الیکٹرانک اورکیمیکل شعبوں میں ٹیکنالوجی پر توجہ ہے ،بھنگ کے پودے سے دھاگا بھی تیار کرلیاگیا۔

وفاقی وزیر نے کہاکہ 50 سے 60 ملین ڈالر کی ایکسپورٹ ہو سکے گی ،آئندہ سال 5 لائسنس جاری کردیئے جائیں گے ،ملک میں موبائل بنانے والی پہلی فیکٹری لاہور میں قائم ہو چکی ہے ،فوادچودھری نے کہاکہ چین امریکا کی تجارتی جنگ میں پاکستان کو فائدہ اٹھاناچاہئے ،چین امریکی کمپنیز سے سیمی کنڈکٹرزکی خریداری سے الگ ہونا چاہتا ہے ،پاکستان سیمی کنڈکٹرز بناکر اربوں ڈالر کماسکتا ہے ،انہوں نے کہاکہ سوشل میڈیا کمپنیز کے دفاتر ملک میں نہ ہونا بڑالوپ ہول ہے،یوٹیوب کی بندش سے بھاری نقصان اٹھانا پڑا،عدالتوں کوفیصلوں میں بہت احتیاط کی ضرورت ہے۔

وفاقی وزیر نے کہاکہ یوٹیوب بند ہونے سے آئی ٹی،ڈیجیٹل ایپ انڈسٹری کو بھاری نقصان ہوا،گوگل ،فیس بک یوٹیوب انڈیا میں چلے گئے ،انڈیا ان کی مناپلی ہے،سونے پر سہاگا یہ کہ ٹک ٹاک بھی بند کردیاگیا،ان کامزید کہناتھا کہ افتخار چودھری کے فیصلوں سے بھی بھاری نقصان ہوا۔

مزید :

قومی -علاقائی -اسلام آباد -