سوشل میڈیا پر اداکارہ ارمینا کو شادی کی پیشکش لیکن انہوں نے آگے سے ایسا جواب دیدیا کہ ہر کوئی تعریف کرنے لگا 

سوشل میڈیا پر اداکارہ ارمینا کو شادی کی پیشکش لیکن انہوں نے آگے سے ایسا جواب ...
سوشل میڈیا پر اداکارہ ارمینا کو شادی کی پیشکش لیکن انہوں نے آگے سے ایسا جواب دیدیا کہ ہر کوئی تعریف کرنے لگا 

  

کراچی(ویب ڈیسک ) معروف اداکارہ ارمینا خان نے شادی کی آفر کرنے والے شخص کو دلچسپ جواب دیکر سب کو حیران کر دیا۔

تفصیلات کے مطابق بن روئے، جانان، یلغار اور شیردل جیسی سپر ہٹ فلموں میںاداکاری کرنے والی ارمینا خان اپنے فنی کیریئر میں متعدد ڈراموں میں بھی کام کر چکی ہیں اور ان دنوں ڈرامہ سیریل ’محبتیں چاہتیں‘ میں منفی کردار ادا کر رہی ہیں۔اداکارہ کی خاص بات یہ ہے کہ وہ سوشل میڈیا پر کافی متحرک رہتی ہیں یہاں تک کہ مداحوں کی جانب سے ان کی پوسٹ پر کیے گئے ہر کمنٹ کا جواب دینے کی کوشش کرتی ہیں تاہم گزشتہ روز ایک صارف نے اداکارہ سے ایسا سوال کرلیا جس پر انہوں نے عاجزی کے ساتھ جواب دیکر اپنے مداح کو لا جواب کردیا۔

الطاف نامی صارف نے ٹوئٹر پر امینا خان کو شادی کی آفر کرتے ہوئے لکھا کہ ”میں آپ سے شادی کرنا چاہتا ہوں“ جس پر ارمینا خان خاموش نہ رہیں، انہوں نے بھی صارف کی خواہش کا احترام کرتے ہوئے معذرت کی اور کہا کہ ”میری شادی ہو چکی ہے“۔

ارمینا خان کا اندازِ جواب سوشل میڈیا صارفین کو ایسے بھایا کہ وہ اداکارہ کی تعریف کیے بنا نہ رہے ایک صارف نے کہا کہ اداکارہ چاہتی تو دیگر لڑکیوں کی طرح اس سوال کے جواب پر منفی انداز میں جواب دے سکتی تھیں لیکن انہوں نے ایسا نہیں کیا اور احترام سے جواب دیا۔

سارا نامی صارف نے کہا کہ ارمینا خان نے جس انداز سے مداح کو جواب دیا وہ قابل تعریف ہے کیوں کہ ہر کسی کے جذبات اور احساسات ہوتے ہیں اور انہوں نے سامنے والے شخص کا احترام کرتے ہوئے اپنا موقف بھی بتا دیا۔

مزید :

تفریح -