ٹوئٹر کے شریک بانی جیک ڈورسی نے سی ای او کا عہدہ چھوڑ دیا ، ان کی جگہ کس بھارتی شخصیت نے لی ؟ جانئے

ٹوئٹر کے شریک بانی جیک ڈورسی نے سی ای او کا عہدہ چھوڑ دیا ، ان کی جگہ کس بھارتی ...
ٹوئٹر کے شریک بانی جیک ڈورسی نے سی ای او کا عہدہ چھوڑ دیا ، ان کی جگہ کس بھارتی شخصیت نے لی ؟ جانئے

  

نیو یارک(ڈیلی پاکستان آن لائن )سماجی رابطے کی ویب سائٹ ٹوئٹر کے شریک بانی جیک ڈورسے نے کمپنی کے سی ای او کی حیثیت سے الگ ہونے کا اعلان کیا ہے۔

کمپنی نے بتایا کہ سی ٹی وی پراگ اگروال سی ای او کا عہدہ سنبھالیں گے جبکہ جیک ڈورسے بورڈ آف ڈائریکٹرز میں موجود رہیں گے۔بریٹ ٹیلر بورڈ کے نئے چیئرمین کا عہدہ سنبھالیں گے۔جیک ڈورسے کو اس سے قبل بھی 2008 میں ٹوئٹر سی ای او کا عہدہ چھوڑنے پر مجبور کیا گیا تھا مگر وہ 2015 میں دوبارہ سی ای او بنے۔جیک ڈورسے اسکوائر نامی کمپنی کے سی ای او کے طور پر کام کرتے رہیں گے۔

ایک بیان میں انہوں نے بتایا 'میں نے ٹوئٹر کو چھوڑنے کا فیصلہ اس لیے کیا کیونکہ میرا ماننا ہے کہ کمپنی اب اپنے بانیوں کے بغیر آگے بڑھنے کے لیے تیار ہے، پراگ پر ٹوئٹر کے سی ای او کے طور پر میرا اعتماد بہت زیادہ ہے، گزشتہ 10 برسوں کے دوران ان کا کام کمپنی کو بدل دینے والا تھا۔انہوں نے کہا کہ وہ بورڈ آف ڈائریکٹر کے طور پر ٹیم کے لیے کام جاری رکھیں گے۔پراگ اگروال نے 2011 میں ایڈ انجنیئر کے طور پر کمپنی میں شمولیت اختیار کی تھی اور 2018 میں سی ٹی او بن گئے تھے۔پراگ اگروال نے بھی ایک ٹوئٹ میں اپنے ساتھیوں کا شکریہ ادا کیا۔

مزید :

سائنس اور ٹیکنالوجی -