ہسپتال میں میاں بیوی کے جھگڑے میں بیٹا جاں بحق

ہسپتال میں میاں بیوی کے جھگڑے میں بیٹا جاں بحق
ہسپتال میں میاں بیوی کے جھگڑے میں بیٹا جاں بحق

  

کراچی (ویب ڈیسک) جناح ہسپتال میں شوہر اور بیوی کے درمیان جھگڑے میں ماں کی گود سے بیٹا زمین پر گرنے سے جاں بحق ہوگیا ، پولیس نے ملزم کو گرفتار کرلیا۔

ایدھی حکام کے مطابق جاں بحق ہونے والے لڑکے کی شناخت 2 سالہ عاطف کے نام سے کی گئی۔متوفی کی والدہ نے ابتدائی طور پر بیان دیا ہے کہ ٹریفک حادثے میں وہ خود اور 2 بیٹیاں زخمی ہوگئی تھیں اور جناح ہسپتال میں طبی امداد کے بعد ایمرجنسی کے باہر فٹ پاتھ پر ہی ٹھہری ہوئی تھی کہ اس کا شوہر آصف آیا اور مجھ سے ایک ہزار روپے مانگے نہ دینے پر اس نے مجھ سے جھگڑا کیا اور میری گود میں موجود 2 سالہ بیٹا زمین پر گرنے سے جاں بحق ہوگیا۔

ریسکیو حکام کا کہنا ہے کہ بچے کا والد آصف نشے کا عادی بتایا جاتا ہے جسے پولیس نے گرفتار کرلیا جبکہ بچے کی لاش ضابطے کی کارروائی کے لیے جناح ہسپتال منتقل کر دی ، متاثرہ خاندان سہراب گوٹھ کوئٹہ بس سٹاپ کے قریب کا رہائشی بتایا جاتا ہے ۔

مزید :

علاقائی -سندھ -کراچی -