ایف بی آر کی فیلڈ فارمیشنز ٹیمیں شوگر ملز پر تعینات

ایف بی آر کی فیلڈ فارمیشنز ٹیمیں شوگر ملز پر تعینات
ایف بی آر کی فیلڈ فارمیشنز ٹیمیں شوگر ملز پر تعینات

  IOS Dailypakistan app Android Dailypakistan app

اسلام آباد (ڈیلی پاکستان آن لائن)ایف بی آرنے شوگر انڈسٹری میں ٹیکس چوری کے خاتمہ کے لئے فیلڈ فارمیشنز کی ٹیمیں ملک بھر کی شوگر ملز پر تعینات کر دی ہیں کیونکہ  چینی ان مصنوعات میں شامل ہے جس کی پیداوار اور فروخت کی مانیٹرنگ کی جاتی ہے۔

ایف بی آر کی طرف سے جاری کردہ اعلامیے کے مطابق چینی کی کلیئرنس، اسٹاک اور دیگر سرگرمیوں کی بھی مانیٹرنگ کی جاتی ہے۔

چینی کی تیار کردہ یا فراہم کردہ ہر بوری پر ٹیکس اسٹیمپ لگانا لازمی ہے۔ ٹیکس اسٹیمپ نہ ہونے پر مال ضبط اور ڈیفالٹر کو تین سال تک قید کی سزا دی جا سکتی ہے۔

ایف بی آر کا کہنا ہے کہ چینی پر سیلز ٹیکس کی چوری کی کسی بھی کوشش سے آہنی ہاتھوں سے نمٹا جائے گا اور ٹیکس چوری میں ملوث مل مالکان کے خلاف مقدمہ چلایا جائے گا۔
 
 
 
 

مزید :

بزنس -