مقبو ضہ کشمیر میں انسانی حقوق کی خلاف ورزیوں پر بین الاقوامی توجہ کی ضرورت: پاکستان
برسلز(آن لائن)پاکستان نے یورپین پارلیمنٹ کے جنوبی ایشین ڈیلی گیشن کے اجلاس میں شرکت کی اور اپنا مؤقف بیان کر دیا۔نئی پارلیمنٹ وجود میں آنے کے بعد جنوبی ایشیاء کے ممالک کیساتھ تعلقات کے پارلیمانی ڈیلی گیشن ڈی ایس اے ایس کے ارکان کیساتھ جنوبی ایشیائی ممالک کے سفیروں کی یہ پہلی ملاقات تھی۔اس حوالے سے سفارت خانہ پاکستان برسلز سے جاری اعلامیے کے مطابق یورپی یونین میں پاکستانی مشن کے ناظم الامور فراز زیدی نے اسٹراسبرگ میں جنوبی ایشیاء کے ممالک کیساتھ تعلقات کے حوالے سے منعقدہ اجلاس میں شرکت کی۔ اپنے خطاب میں فراز زیدی نے جنوبی ایشیاء کی تزویراتی اہمیت اور اسکی بے پناہ اقتصادی صلاحیت پر زور دیا انہوں نے جی ایس پی پلس کی کامیابی کو باہمی طور پر فائدہ مند سکیم کے طور پر اجاگر کرتے ہوئے یورپی یونین کیساتھ پاکستان کی دیرینہ شراکت داری پر زور دیا۔فراز زیدی نے تجارت، ٹیکنالوجی اور ثقافت میں تعاون کو گہرا کرنے کیلئے پاکستان کے عزم کا اعادہ کیا پاکستان کے ناظم الامور نے علاقائی چیلنجوں پر تشویش کا اظہار کیا عالمی خدشات کو اجاگر کرتے ہوئے فراز زیدی نے ماحولیاتی تبدیلیوں سے نمٹنے اور یورپی یونین کیساتھ ملکر قانونی ہجرت کے راستوں کو آسان بنانے کیلئے پاکستان کے عزم کا اعادہ کیا۔انہوں نے افغانستان میں انسانی اور سلامتی کے مسائل بالخصوص افغان سر زمین سے پیدا ہونے والی دہشتگردی سے نمٹنے کیلئے اجتماعی کوششوں پر زور دیا۔مسئلہ فلسطین پر گفتگو کرتے ہوئے فراز زیدی نے یورپی یونین کے اصولی مؤقف کی تعریف کی اور بین الاقوامی قانون اور اقوامِ متحدہ کی قراردادوں کے تحت منصفانہ حل کیلئے مسلسل کوششوں کی امید ظاہر کی۔انہوں نے جاری بحران کے خاتمے اور امن کے حصول کیلئے بین الاقوامی اقدامات کی ضرورت پر بھی زور دیا۔
پاکستان
