عمران خان اڈیالہ جیل انتظامیہ کی تحویل میں نہیں، جیل ذرائع

راولپنڈی(آئی این ی) تکنیکی مسئلے کے سبب اڈیالہ جیل میں بانی پی ٹی آئی سے ان کے اہلخانہ اور پارٹی رہنماؤں کی ملاقات مشکل ہوگئی۔اڈیالہ جیل ذرائع کے مطابق بانی پی ٹی آئی عمران خان اس وقت اڈیالہ جیل انتظامیہ کی تحویل میں نہیں ہیں ہے۔اڈیالہ جیل میں بانی پی ٹی آئی سے ملاقاتوں سے متعلق ذرائع کا کہنا ہے کہ بانی پی ٹی آئی اس وقت جیل انتظامیہ کی تحویل میں نہیں ہیں لہذا ملاقات کرانے کا اختیارجیل انتظامیہ کے پاس نہیں۔جیل ذرائع کے مطابق بانی پی ٹی آئی جسمانی ریمانڈ پرراولپنڈی پولیس کی حراست میں ہیں، بانی پی ٹی آئی کے سیل کو راولپنڈی تھانہ نیوٹاؤن کاحصہ قراردیا گیا ہے، ملاقات کے خواہشمندوں کو راولپنڈی پولیس سے رابطہ کرناچاہیے۔قبل ازیں وکیل فیصل چوہدری نے بانی پی ٹی آئی سے فوری ملاقات کی درخواست کی تھی، فیصل چوہدری ایڈووکیٹ نے درخواست سپریٹنڈنٹ اڈیالہ جیل کو درخواست دی۔فیصل چوہدری نے کہا کہ مجھے بانی پی ٹی آئی کی خیریت کے حوالے سے شدید تشویش ہے، درخواست ہے کہ موکل سے میری فوری ملاقات کروائی جائے۔

جیل ذرائع