شناختی کارڈ میں کسی بھی قسم کی تبدیلی کرنا آسان ، نادرا کا خود کار مشینیں نصب کرنے کا فیصلہ
لاہور(نےوز رپورٹر) شناختی کارڈ بنوانے والوں کےلئے اچھی خبر ، نیشنل ڈیٹا بیس اینڈ رجسٹریشن اتھارٹی (نادرا) کی جانب سے شہریوں کی سہولت کےلئے خود کار مشینیں نصب کرنے کا فیصلہ کیا گیا ہے۔اب شناختی کارڈ میں کسی بھی قسم کی تبدیلی کرنا آسان ہوگیا کیونکہ نادرا نے شہریوں کی سہولت کےلئے خود کار مشینیں نصب کرنے کا فیصلہ کیاہے ۔تفصیلات کے مطابق اسمارٹ قومی شناختی کارڈز کی تجدید اور گمشدہ شناختی کارڈ کے حصول کےلئے کراچی میں سیلف سروس کیوسک نصب کی جائےگی، جس سے لمبی قطاروں اور طویل انتظار کے بغیرکوئی بھی شہری بغیر خود کار طریقے سے استفادہ کرسکے گا۔ ابتدا ءمیں سیلف سروس کیوسک نادرا میگا سینٹرز بعدازاں ائیرپورٹ، ریلوے اسٹیشن اورشاپنگ مالز میں نصب کیے جائینگے۔ نادرا کے اسسٹنٹ ڈائریکٹر عمار حیدر کا کہنا ہے آئیڈیاز نمائش کے ذریعے سیلف سروس کیوسک کی رونمائی کر دی گئی، اگلے مرحلے میں اس خود کار سسٹم کے کچھ آزمائشی مراحل ہونگے، جس کے بعد اس کو شہر کے کسی بھی میگا سینٹر میں نصب کر دیا جائےگا، کراچی میں اس کی تنصیب پہلی مرتبہ ہوگی، تاہم اگرملک کے دیگر شہروں کی بات کریں تو یہ سیلف سروس کیوسک ا سلا م آباد کے میگا سینٹر میں نصب کیا جاچکا ہے۔عمار حیدرکے مطابق سیلف سروس کیوسک کے ذریعے کوئی بھی شہری 8تا 9مختلف ڈیٹا اسٹیپس کے بعد شناختی کارڈز کی تجدید کے اہل ہونگے، جس میں سب سے پہلا کیوسک کی بورڈ کے ذریعے قومی شناختی کارڈزکا انداراج، بائیو میٹرک، آئیرس، تصویراور اس کے علاوہ ارجنٹ یا نارمل کے آپشن کے بعد سا ئل کو ایک کیوآرکوڈ موصول ہوگا۔
نادرا فیصلہ
