پی آئی ڈی (PID) اور پاکستان بزنس کونسل شارجہ کے درمیان معاہدہ

دبئی  (طاہر منیر طاہر )  پاکستان بزنس کونسل شارجہ نے   پی آئی ڈی (PID) کے ساتھ ایک تاریخی مفاہمت کی یادداشت پر دستخط کیے، متحدہ عرب امارات کی سب سے بڑی کمیونٹی تنظیم نے متحدہ عرب امارات میں دو لاکھ   ممبران کو رجسٹرڈ  کیا۔  عجمان میں منعقد  ہونے والی تقریب میں  ایم او یو پر  پی بی سی ایس کے پہلے وائس چیئرمین سید سلیم اختر اور  پی بی سی ایس کے دوسرے وائس چیئرمین عامر حسن نے دستخط کیے جو تجارتی تعاون اور کمیونٹی کی شمولیت کو فروغ دینے کے لیے کونسل کے عزم کی نمائندگی کرتے ہیں۔ پی آئی ڈی کی طرف سے، پی آئی ڈی کے بانی اور چیئرمین ناصر بنگش نے پی آئی ڈی کے سی ای او فہد شاہد کے ساتھ معاہدے پر دستخط کیے۔ ان کی شرکت پی آئی ڈی کی پاکستانی کمیونٹی کی حمایت اور متحدہ عرب امارات میں کاروباری مواقع بڑھانے کے عزم کی نشاندہی کرتی ہے۔اس تقریب کو پاکستان کے قونصل جنرل  حسین محمد اور کمرشل اینڈ انویسٹمنٹ  قو نصلر  علی زیب کی موجودگی نے دونوں تنظیموں اور پاکستانی کمیونٹی کے لیے اس تعاون کی اہمیت کو اجاگر کیا۔ یہ MOU متحدہ عرب امارات کے کاروباری منظر نامے میں تعلقات کو مضبوط بنانے اور پائیدار ترقی کے اقدامات کو فروغ دینے میں ایک اہم قدم کی نشاندہی کرتا ہے۔