ڈی چوک احتجاج کے فلاپ ہونے کے بعد بشریٰ بی بی کا مؤقف سامنے آ گیا

پشاور (ویب ڈیسک) بشریٰ بی بی کی ترجمان مشال یوسفزئی کا کہنا ہے کہ جو بھی ہوا اس کا احتساب اورجواب طلبی عمران خان  کریں گے۔

نجی ٹی وی" جیونیوز" کے مطابق مشال یوسفزئی نے کہا کہ بشریٰ بی بی نے سیاسی کمیٹی کی میٹنگ کی صدارت کی اور نہ ہی اس میں شرکت کی، بشریٰ بی بی کا کہنا ہے کہ بانی پی ٹی آئی کے حکم کے مطابق انہیں ڈی چوک پہنچنا تھا لیکن  ڈی چوک میں پارٹی قیادت نہیں تھی۔

دوسری جانب  بشریٰ بی بی کی بہن مریم ریاض وٹو کا کہنا ہے کہ  سیاسی کمیٹی میں بشریٰ بی بی آئیں لیکن انہیں مدعو نہیں کیاگیا تھا، بشریٰ بی بی غصے میں نہیں مایوسی کی کیفیت میں تھیں اور جب بشریٰ بی بی نے سوال کیا کہ آپ لوگ ڈی چوک پر کیوں نہیں پہنچے اس پر  بیرسٹر سیف  نےجھوٹ بولا تھاکہ بانی سنگجانی پررضامندہوگئے ہیں۔

اس سے قبل" جیو نیوز" کے پروگرام  میں گفتگو کرتے ہوئے شیر افضل مروت نے بتایا تھا  کہ بیرسٹر گوہر نے عمران خان کو سنگجانی پر دھرنا دینے کی حکومتی پیشکش سے آگاہ کیا مگر وہ سنگجانی میں دھرنے پر راضی نہیں ہوئے۔