سی پیک اتھارٹی بل 2020 قومی اسمبلی میں پیش، چیئرمین کو کتنے سال کیلئے مقرر کیا جا سکے گا ؟ جانئے
اسلام آباد (ڈیلی پاکستا ن آن لائن )سی پیک اتھارٹی بل 2020 قومی اسمبلی میں پیش کر دیا گیاہے ۔
تفصیلات کے مطابق بل کے متن میں کہا گیاہے کہ اتھارٹی چیئرپرسن سمیت 6 ارکان پرمشتمل ہوگی،وزیراعظم کی منظوری سے کسی کوبھی اتھارٹی میں شامل کیاجاسکتا ہے، سی پیک اتھارٹی کاچیئرپرسن 4 سال کیلئے مقررہوگا،چیئرپرسن کی مدت ملازمت میں ایک بار 4 سال کیلئے توسیع ہوسکے گی،کوئی بھی شخص مسلسل 2 بارسے زائد چیئرپرسن نہیں بن سکے گا،اتھارٹی کے ارکان کا تقرربھی 4 سال کے لیے ہوگا،وزیراعظم چیئرپرسن سمیت کسی بھی عہدیدارکوبرطرف کرسکیں گے،سی پیک اتھارٹی کے فیصلے اکثریت رائے سے ہوں گے۔
