مونس الٰہی نے اپنی ہی اتحادی حکومت  کی پالیسیوں پر تشویش کا اظہار کر دیا 

مونس الٰہی نے اپنی ہی اتحادی حکومت  کی پالیسیوں پر تشویش کا اظہار کر دیا 
مونس الٰہی نے اپنی ہی اتحادی حکومت  کی پالیسیوں پر تشویش کا اظہار کر دیا 

  

لاہور(ڈیلی پاکستان آن لائن)پاکستان مسلم لیگ ق کے مرکزی رہنما اور ممبر قومی اسمبلی چوہدری مونس الٰہی نے ملک میں بڑھتی ہوئی غربت، مہنگائی اور دن بدن بگڑتی معاشی صورتحال پر تشویش کا اظہار کیا ہے۔

نجی ٹی وی کے مطابق چوہدری مونس الٰہی نے کہا کہ یہ کتنے افسوس کی بات ہے کہ آج 40 فیصد پاکستانی غربت کی لکیر سے نیچے زندگی گزارنے پرمجبور اورزندگی کی بنیادی سہولتوں تک سےمحروم ہیں،اس صورتحال کی بنیادی وجوہات میں آئی ایم ایف کی شرائط،ناقص معاشی اقدامات، حکومت کی غلط ترجیحات اور بھاری قرضہ جات شامل ہیں۔ انہوں نے کہا کہ حکومت معیشت بچانے، غربت گھٹانے اور مہنگائی مٹانے پر صرف بیان نہیں دھیان بھی دے تاکہ یہ مسائل حل ہوں، معیشت بہتر ہو اور عام آدمی غربت کی بجائے خوشحالی کی راہ پر گامزن ہو، ملک پر بڑھتے ہوئے قرضوں میں کمی آئے، مہنگائی میں روز بروز جو اضافہ ہو رہا ہے اس پر قابو پایا جائے۔

مزید :

علاقائی -پنجاب -لاہور -