برج حمل ، سیارہ مریخ، 21 مارچ سے 20 اپریل
صورت حال آج بڑے خوبصورت انداز سے ساتھ دے گی نہ ممکن کام بھی ممکن لگے گا اور جس بھی طرف سے امید لگا رکھی تھی وہ بھر آئے گی۔ اولاد کے حوالے سے بھی آج اہم خبر ہے۔
برج ثور، سیارہ زہرہ، 21 اپریل سے 20 مئی
آپ نے ابھی تک ماضی کی غلطیوں سے کچھ نہیں سیکھا، پھر ان لوگوں کو گلے لگا رہے ہیں جو لوٹتے رہے اور دھوکا دیتے رہے۔ خیال کریں۔ آج کا اٹھایا گیا قدم خطرناک ہو سکتا ہے۔
برج جوزہ، سیارہ عطارد، 21 مئی سے 20 جون
آپ نے اپنے لئے جو راستہ بھی چنا ہے۔ شاہد وہ درست نہیں ہے۔ ایک مرتبہ پھر اس پر نظرثانی کر لیں اور اب غلطی کی گنجائش نہیں ہے۔ نہایت سوچ سمجھ کر چلنا ہے مخالفین بہت ہیں۔
برج سرطان، سیارہ چاند، 21 جون سے 20 جولائی
لاکھ آپ دوسروں کے لئے کچھ کر لیں۔ آپ کی قربانیوں کو کوئی نہیں دیکھے گا۔ اس وقت آپ کو سب سے الگ ہو کر ہی اپنے لئے نیا راستہ بنانا پڑے گا اور اس میں اب دیر مت کریں۔
برج اسد، سیارہ شمس، 21 جولائی سے 21 اگست
آج بھی صدقہ دیں۔ صورت حال صاف نہیں ہو رہی۔ لگتا ہے ذاتی کسی غلطی کی وجہ سے کسی پکڑ میں آئے ہوئے ہیں جو کہ خطرناک بات بھی ہے۔ اپنے معاملات فوری درست کریں۔
برج سنبلہ ، سیارہ عطارد، 22 اگست سے 22 ستمبر
آپ کو اب اچھی صورت حال کا سامنا رہے گا۔ پچھلے کافی دنوں سے جو غیر یقینی صورت حال کا سامنا تھا۔ وہ اب ختم ہو گئی ہے۔ صبح سے حالات تمام تر آپ کے حق میں ہوتے نظر آتے ہیں۔
برج میزان ، سیارہ زہرہ، 23 ستمبر سے 22 اکتوبر
آپ غصے کو قابو میں رکھیں۔ پہلے آپ کتنے رشتے خراب کر چکے ہیں۔ اب مزید گنجائش نہیں ہے۔ خاموشی اختیار کریں اور چند روز منظر عام سے غائب رہیں تو مسئلہ حل ہو سکتا ہے۔
برج عقرب ، سیارہ مریخ، 23 اکتوبر سے 22 نومبر
جو لوگ عرصہ دراز سے کسی کام کی کوشش میں لگے ہوئے تھے اور وہ نہیں ہو رہا تھا۔ آج اس کے ہونے کے چانس ہیں اور آج کچھ رقم اور نئے کام کے بارے بھی اچھی خبر ملے گی۔
برج قوس ، سیارہ مشتری، 23 نومبر سے 20 دسمبر
آپ اگر لاپرواہی چھوڑ دیں اور فضول کاموں سے دور رہیں تو دنیا کے کامیاب ترین انسان بن سکتے ہیں مگر عادت سے مجبور ہیں۔ اب تو کچھ سوچنا ہی پڑے گا۔
برج جدی ، سیارہ زحل، 21 دسمبر سے 19 جنوری
استخارے کی مدد سے ابھی چند دن چلنے کی کوشش کریں، ورنہ حسبنا اللہ و نعیم الوکیل کا ورد 450 مرتبہ روزانہ کر لیا کریں۔ اللہ نے چاہا تو کسی بھی قسم کا کوئی نقصان نہیں ہوگا۔
برج دلو ، سیارہ زحل، 20 جنوری سے 18 فروری
آج روحانی حوالے سے اچھی خبر ہے جو لوگ نماز کی پابند ہیں۔ خاص طور پر ان کے لئے اور جس ضرورت کے لئے رقم درکار ہے اس کے بارے میں اچھی خبر مل سکتی ہے۔
برج حوت ، سیارہ مشتری، 19 فروری سے 20 مارچ
توبہ کرکے سیدھے راستے پر آ جائیں۔ دل کو بھی قرار آ جائے گا جو لوگ کسی ذہنی ٹینشن کا شکار ہیں۔ وہ نماز سے مدد لیں اور اپنوں سے بھی دل کی بات نہ کرنے کا مشورہ ہے۔