15000 روپے مالیت کے قومی انعامی بانڈز کی قرعہ اندازی منگل کو ہو گی

لاہور( کامرس رپورٹر)سنٹرل ڈائریکٹوریٹ آف نیشنل سیونگز کے زیر اہتمام 15000 روپے مالیت کے قومی انعامی بانڈز کی قرعہ اندازی یکم اکتوبربرو ز منگل کو ہو گی جو رواں سال کی 25ویں اور مجموعی طور پر 56ویںقرعہ اندازی ہے ۔ اس قرعہ اندازی کا پہلا انعام 3 کروڑ روپے کا ایک ، دوسرا انعام ایک کروڑ روپے کے تین اور تیسرا انعام ایک لاکھ 85ہزار روپے کے 1696 انعامات ہیں۔ مذکورہ سیریز پر کل 1700 انعامات دیئے جائیں گے ۔انہوںنے بتایاکہ قرعہ اندازی کے سلسلہ میں تقریب سٹیٹ بینک آف پاکستان راولپنڈی میں منعقد ہو گی جس میں مختلف مکاتب فکر کی اہم شخصیات شرکت کریں گی اور اس موقع پر کمپیوٹرائزڈ قرعہ اندازی کے ذریعے خوش نصیب افراد کا چناﺅ کیا جائیگا۔