ایس ای سی پی نے ’یو ایس ایکویٹی انڈیکس فیوچر کنٹریکٹس‘ کی پاکستان مرکنٹائل ایکس چینج میں لین دین کی منظوری دے دی
اسلام آباد (اے پی پی) سکیورٹیز اینڈ ایکس چینج کمیشن آف پاکستان نے بین الاقوامی ایکویٹی انڈیکس، ’یو ایس ایکویٹی انڈیکس فیوچر کنٹریکیٹس‘ کے سودوں کی پاکستان مرکنٹائل ایکس چینج میں لین دین کی منظوری دے دی ہے۔ یہ منظوری فیوچر مارکیٹ ایکٹ 2016 کے تقاضوں کے مطابق دی گئی۔یو ایس ایکویٹی انڈیکس کے فیوچر کنٹریکس کی دستیابی سے پاکستان مرکنٹائل ایکس چینج کا موجودہ پورٹ فولیو مزید بہتر ہو جائے گا جس میں اس وقت سونا ، چاندی ، خام تیل ، بین الاقوامی کپاس ، پلاٹینیم ، قدرتی گیس ، تانبا، سرخ مرچ ، دھان اور گندم وغیرہ شامل ہیں۔ یو ایس ایکویٹی انڈیکس کے فیوچر کنٹریکس کو پاکستان مرکنٹائل ایکس چینج میں متعارف کروانے کا بنیادی مقصد یہاں کے سرمایہ کاروں کو یو ایس ایکویٹی ایکس چینج کے انڈیکس جیسے کہ ڈاؤ، نیسڈک اور ایس اینڈ پی میں سرمایہ کاری سے متعلق آگہی فراہم کرنا ہے۔
