پاکستان کی نئی سیال ائیرلائنز جلد پروازیں شروع کرے گی
اسلام آباد (ویب ڈیسک) پاکستان میں نئی سیال ائیرلائنز جلد پروازیں شروع کردے گی۔ روزنامہ جنگ کے مطابق سیال ائیرلائنز کم و بیش ایک درجن طیاروں کے ساتھ شروع ہوگی جن میں سے نصف طیارے ڈرائی لیز پر لئے جائیں گے، کچھ طیارے خریدے جائیں گے۔ سیالکوٹ کی بزنس کمیونٹی نے قبل ازیں اپنی مدد آپ کے تحت سیالکوٹ میں انٹرنیشنل ائیرپورٹ خود تعمیر کراکر وہاں سے اندرون ملک کے علاوہ بیرون ملک پروازیں شروع کررکھی ہیں۔ اب سیالکوٹ کا کاروباری طبقہ سیال ائیرلائنز کے نام سے نئی ائیرلائن شروع کرنے کے انتظامات کرنے میں مصروف ہے۔
