ماڈل روڈز پرلوڈر رکشوں کاداخلہ بند،کریک ڈاؤن تیز کرنیکا حکم 

لاہور(کر ائم رپو رٹر)ماڈل روڈز پرلوڈر رکشوں کاداخلہ بند کرنے کے لئے کریک ڈاؤن تیز کرنے کا حکم دیدیا گیا  شہریوں کیلئے سفر محفوظ بنانے کے لئے مال روڈ، جیل روڈ، کینال روڈ،مین بلیوارڈ گلبرگ میں لوڈر رکشہ کا داخلہ بند کردیا گیا،اب آہنی راڈ،سریا، بانس و دیگرسامان باڈی سے باہر لوڈ کرنے پر چالان نہیں بلکہ مقدمے کا اندراج ہوگا۔ سی ٹی او عمارہ اطہر کے مطابق سریا،ٹی آئرن سے لوڈڈ رکشوں چلتی پھرتی موت ہیں، انسانی جانوں کے تحفظ پر کوئی سمجھوتہ نہیں ہوگا،ڈرائیور کے ساتھ ساتھ رکشہ مالک کو بھی ایف آئی آر میں نامزد کیا جائے،اوورلوڈنگ کرنے والے ڈرائیورز کے لائسنس بھی کینسل کرنے کا حکم دیدیا گیا لوڈر گاڑیوں کو ہیڈ و بیک لائٹس، ریفلیکٹرز لگانے کا بھی حکم دیا گیا  

۔علامہ اقبال روڈ، جی ٹی روڈ، فیروزپور روڈ، ملتان روڈ، شاہدرہ پر ناکہ جات قائم ہیں،مہلک حادثات کے پیش نظر ایسی وہیکلز کے خلاف سخت کریک ڈاؤن کرنا ہوگا۔شہر کے داخلی و خارجی راستوں پر افسران کی نگرانی میں 8 سینئر وارڈنز،24 وارڈنزبھی تعینات ہیں۔رواں ماہ 13 ہزار سے زائد لوڈر رکشوں کو چالان ٹکٹس جاری کر کے317 مقدمات درج کیے گئے۔