ملک کا مستقبل روشن، ہمارے ہاں وسائل کی کوئی کمی نہیں: یوسف رضا گیلانی 

                                                                                    لاہور(این این آئی)چیئرمین سینٹ سید یوسف رضا گیلانی نے کہا ہے حکومت ٹیکسٹائل انڈسٹری کی بہتری کیلئے بھر پور اقدامات کر رہی ہے،ٹیکسٹائل انڈ سٹری کا قومی معیشت میں 60 فیصد حصہ ہے، لاکھوں خاندانوں کا روزگار اس سے وابستہ ہے۔ ان خیالات کا اظہار انہوں نے جمعہ کو لاہور کے مقامی ہوٹل میں پاکستان کی سب سے بڑی ٹیکسٹائل کانفرنس ٹیکس ٹاکس سے بطور مہمان خصوصی خطاب کرتے ہوئے مزید کہا ٹیکسٹائل انڈسٹری ملکی معیشت میں ریڑھ کی ہڈی کی حیثیت رکھتی ہے، حکومت پالیسی گائیڈ لائن کے مطابق ٹیکسٹائل سیکٹر کی بہتری کیلئے مراعات ودیگر انقلابی اقدامات پر عمل پیرا ہے، ملک کا مستقبل روشن ہے ہمارے ہاں وسائل کی کوئی کمی نہیں، برآمدات کے فروغ کیلئے ٹیکسٹائل انڈسٹری کو سہو لت فراہم کرنے میں کوئی کسر نہیں چھوڑی جائیگی۔پاکستان میں ٹیکسٹائل اور دیگر شعبوں میں ترقی کی مضبوط صلاحیت موجود ہے۔کانفرنس سے خطاب کرتے ہوئے امریکی قونصل جنرل کرسٹن کے ہاکنز نے کہا پا کستا ن کی ٹیکسٹائل انڈسٹری تیزی سے ترقی کررہی ہے،امریکہ پاکستانی ٹیکسٹائل مصنوعات کے معیار کو قدر کی نگاہ سے دیکھتا ہے، امریکہ پاکستا ن کے ٹیکسٹا ئل کو مزید پھلتا پھولتا دیکھنا چاہتا ہے اور اس کیلئے ہمارا تعاون جاری رہیگا۔ کانفرنس میں دس معروف یونیورسٹیوں کے طلبہ نے فیشن انڈسٹری کے فروغ کیلئے ریمپ پر وا ک کی اور ڈیزائننگ کے مقابلوں میں حصہ لیا۔ مہمان خصوصی سید یوسف رضا گیلانی نے مقابلہ میں حصہ لینے والے طلبہ میں ایوارڈز تقسیم کئے۔ کانفرنس میں یوسف فرید،مظہر مرزا،چیئرمین اپٹماکامران ارشد سمیت مختلف ملکی و غیرملکی کمپنیز کے سی ای اوز کی کثیر تعدادموجود تھی۔ کانفرنس کے شرکا نے مختلف مباحثوں میں حصہ لیا۔

یوسف رضا گیلانی