پی ٹی آئی کو ملکی ترقی ہضم نہیں ہورہی، طلال چودھری

فیصل آباد (مانیٹرنگ ڈیسک)رہنما مسلم لیگ ن طلال چودھری نے کہا ہے کہ ملک میں چندعناصر گالم گلوچ کی سیاست پر یقین رکھتے ہیں۔  فیصل آباد میں میڈیا سے گفتگو کرتے ہوئے طلال چودھری نے کہا کہ ایسے عناصر کے ساتھ کوئی ہمدردی نہیں کی جائے گی، اللہ ہی جانتا ہے اقتدار میں کس کے کتنے دن ہیں۔انہوں نے کہا کہ پی ٹی آئی کو ملکی ترقی ہضم نہیں ہورہی ہے، وہ دوست ممالک سے تعلقات خراب کرنا چاہتی ہے، چند عناصر ملک اور اداروں کے خلاف مذموم مہم چلا رہے ہیں۔ وزیر اعظم نے جنرل اسمبلی میں خطاب کے دوران مسئلہ کشمیر کو اجاگر کیا،وزیر اعظم نے اسرائیل اور بھارت کے مظالم کو بے نقاب کیا، انہوں نے پاکستانی عوام کے جذبات کی نمائندگی کی۔رہنما مسلم لیگ ن نے کہا کہ پنجاب پریلغار پریلغار کیوں کی جارہی ہے، پی ٹی آئی والے این آر او چاہتے ہیں، پنجاب میں احتجاج کیلئے مسلح لوگ باہر  سے لائے جاتے ہیں، احتجاج کے نام پرفساد کی اجازت نہیں دی جاسکتی ہے، حکومتی اقدامات سے معیشت بہتری کی راہ پرگامزن ہے۔

 طلال چودھری