اختر مینگل، حافظ نعیم الرحمان، سعد رضوی، اسفند یار الیکشن کمیشن طلب

                                                                        اسلام آباد(آئی این پی)الیکشن کمیشن نے سینئر سیاستدان بی این پی مینگل کے رہنماء سردار اخترمینگل، اے این پی کے سربراہ  اسفندیار ولی اور امیر جماعت اسلامی حافظ نعیم الرحمان کو طلب کرلیا۔تفصیل کے مطابق الیکشن کمیشن آف پاکستان نے مختلف سیاسی جماعتوں کے سربراہان کو 2 اکتوبر کو طلب کرتے ہوئے نوٹسز جاری کر دیئے۔ الیکشن کمیشن نے خواتین کو 5 فیصد ٹکٹس نہ دینے کے کیس میں نوٹسز جاری کئے ہیں۔الیکشن کمیشن نے جماعت اسلامی اور عوامی نیشنل پارٹی سمیت11 سیاسی جماعتوں کو نوٹس جاری کئے۔ الیکشن کمیشن نے تحریک لبیک کے سعد رضوی اور خرم نواز گنڈاپور کو بھی نوٹس جاری کر دیئے۔ الیکشن کمیشن نے الیکشن ایکٹ کے سیکشن 206 پر عمل درآمد کیس کے حوالے سے نوٹس جاری کیے۔ الیکشن کمیشن میں کیس کی سماعت 2 اکتوبر کو ہوگی۔

الیکشن کمیشن