70فیصد ترقی پذیر ممالک کے مالیاتی شعبوں کو خطرات کا سامنا، عالمی بینک

                                                            واشنگٹن(آئی این پی) عالمی بینک نے کہا ہے کہ عالمی سطح پر ابھرتی ہوئی معیشتوں اور ترقی پذیر ممالک کے مالیاتی شعبوں کو زیادہ آمدنی رکھنے والے ممالک کے مقابلہ میں زیادہ خطرات کاسامنا ہے۔عالمی بینک کی جانب سے جاری مالیات وخوشحالی رپورٹ 2024 یں مجموعی طورپر 50 ممالک کی معیشتوں کاتجزیہ کیاگیاہے، زیرجائزہ ممالک میں سے 70 فیصد ممالک اگلے 12 مہینوں میں کم یا معتدل خطرات کا سامنا کر رہے ہیں لیکن کم آمدنی والے ممالک خاص طور پر مشرق وسطی، شمالی افریقہ، اور جنوبی ایشیا میں کچھ بینکوں کو قرضوں کے زیادہ خطرات کا سامنا ہے۔رپورٹ کے مطابق ترقی پذیر ممالک کے سینٹرل بینکس زیادہ تر کورونا کے اثرات سے نمٹنے میں کامیاب رہے ہیں، لیکن کچھ بینکوں کو شدید مالی چیلنجز کا سامنا ہے۔ بہت سے ممالک میں بینکوں نے حکومتی قرضوں میں سرمایہ کاری کی ہے جس کی وجہ سے ان ممالک میں مالیاتی استحکام کو خطرات لاحق ہیں۔رپورٹ کے مطابق کم آمدنی والے ممالک میں مالیاتی قواعد و ضوابط کمزور ہیں، جس کی وجہ سے بینکوں کو مالی دباؤ کا سامنا ہو سکتا ہے، بعض ممالک میں حکومتی قرضوں کی عدم ادائیگی کا خطرہ بڑھ گیا ہے اور اس کی وجہ سے بینکوں کے مالی حالات مزید خراب ہو سکتے ہیں۔رپورٹ میں کہا گیا ہے کہ حکومتوں کو مالیاتی خطرات کو کم کرنے کے لیے فوری اقدامات اٹھانے کی ضرورت ہے۔  

عالمی بینک