ورلڈ کپ میں پاکستان کی فتوحات میں اہم کردارادا کرنا چاہتاہوں ¾ناصر جمشید

ورلڈ کپ میں پاکستان کی فتوحات میں اہم کردارادا کرنا چاہتاہوں ¾ناصر جمشید

  



 لاہور(سپورٹس رپورٹر) قومی ٹیم کے اوپننگ بلے بازناصرجمشید نے کہا ہے کہ ورلڈ کپ 2015میں شاندار کارکردگی دکھا کر پاکستان کی فتوحات میں اہم کردارادا کرنا چاہتاہوں۔ ناصر جمشید نے کہاکہ وہ گرم موسم میں بھرپور ٹریننگ کرکے اپنی فٹنس اور وزن کم کررہے ہیں جبکہ اکیڈمیز کے کوچز کی رہنمائی میں بیٹنگ خامیوں پر قابو پانے کیلئے بھی کوشاں ہیں۔انہوں نے کہا کہ وہ کیمپ میں اپنی فٹنس اور فارم ثابت کرکے سلیکٹرز کا اعتماد حاصل کریں گے تاکہ آئندہ سری لنکا اور آسٹریلیا کے خلاف سیریز میں ان ایکشن دکھائی دیں۔ ناصر جمشید نے کہا کہ وہ موقع ملنے پر ماضی میں کی جانیوالی غلطیوں کو نہیں دہرائیں گے بلکہ شائقین انہیں نئے روپ میں دیکھیں گے۔

مزید : کھیل اور کھلاڑی