انگلش بورڈ اخراجات کم کرنے کیلئے کاؤنٹی چیمپئن شپ میں اوورسیز کھلاڑی عارضی ختم کرے:مائیکل وان

انگلش بورڈ اخراجات کم کرنے کیلئے کاؤنٹی چیمپئن شپ میں اوورسیز کھلاڑی عارضی ...

  

لندن (آئی این پی) سابق کپتان مائیکل وان نے کہا ہے کہ انگلینڈ اور ویلز کرکٹ بورڈ کو اخراجات کم کرنے کے لئے کاؤنٹی چیمپئن شپ میں اوورسیز کھلاڑیوں کو عارضی طور پر ختم کرنے پر غور کرنا چاہئے۔ایک انٹرویو میں انہوں نے کہا کورونا وائرس وبائی بیماری کی وجہ سے کم سے کم یکم جولائی سے پہلے انگلینڈ یا ویلز میں کرکٹ نہیں ہوگی جب کہ ایک مالیاتی مشاورتی فرم کی ایک رپورٹ میں کہا گیا ہے کہ اگر برطانیہ میں رواں سال کرکٹ سیزن نہیں ہو پاتا تو کاونٹیز کو 85 ملین پاؤنڈ کا نقصان اٹھانا پڑے گا جو ایک چھوٹی رقم نہیں ہے۔

سالہ سابق کپتان کا کہنا تھا کہ اس مشکل گھڑی میں ہر پہلو کا بغور جائزہ لیتے ہوئے یہ دیکھنا چاہیے کہ آپ کہاں سے پیسے بچاسکتے ہیں۔مائیکل وان کا کہنا تھا کہ شارٹ فارمیٹ کرکٹ میں اوورسیز کی خدمات حاصل کرنے میں کوئی حرج نہیں کیوں کہ عوام اسے زیادہ پسند کرتی ہے۔ یاد رہے کہ اس سال یارکشائر اور لنکاشائر کاونٹیز نے پہلی ہی اپنے اوورسیز کھلاڑیوں کے کنٹریکٹ کینسل کر دیے ہیں۔

مزید :

کھیل اور کھلاڑی -