عمراکمل کی سزا پر شعیب اختر کو برسنا مہنگا پڑگیا، وہ کام ہوگیا جس کے بارے میں شاید انہوں نے سوچا ہی نہ ہوگا

عمراکمل کی سزا پر شعیب اختر کو برسنا مہنگا پڑگیا، وہ کام ہوگیا جس کے بارے میں ...
عمراکمل کی سزا پر شعیب اختر کو برسنا مہنگا پڑگیا، وہ کام ہوگیا جس کے بارے میں شاید انہوں نے سوچا ہی نہ ہوگا

  

لاہور(ویب ڈیسک) پاکستان کرکٹ بورڈ(پی سی بی) کے قانونی مشیر تفضل رضوی نے سابق فاسٹ باؤلر شعیب اختر کےخلاف ہتک عزت کا دعویٰ دائر کر دیا ہے۔

ہم نیوز کے مطابق تفضل رضوی کا کہنا ہے کہ انہوں نے ہزاروں کیسز لڑے اور کئی دفعہ ایسا ہوا کہ مخالفین نے بھی مجھ سے رائے لی۔ شعیب اختر نے بھی مجھ سے مشورہ کیا تھا اور دفتر بھی آتے رہے۔ان کا کہنا تھا کہ پاکستان کرکٹ بورڈ میرا کلائنٹ ہے اور وہاں کیسز جیتنے کی شرح 99 فیصد ہے۔ سابق کرکٹر ہونے کے ناطے شعیب اختر کے بہت سے ڈسپلنری مسائل رہے ہیں اور باب وولمر نے بھی اپنی رپورٹ میں شعیب اختر کے رویے پرمنفی رائے دی تھی۔

خیال رہے کہ قومی کرکٹ ٹیم کے سابق فاسٹ بالر شعیب اخترنے مڈل آرڈر بیٹسمین عمراکمل پر تین سال پابندی کی مخالفت کرتے ہوئے کہا تھا کہ پی سی بی نےغصہ نکالا ہے۔قانونی مشیر تفضل رضوی کے متعلق شعیب اختر کا کہنا تھا کہ وہ تمام کھلاڑیوں کے کیسز الجھاتے ہیں، وہ ماضی میں مجھ سے بھی کیس ہار چکے ہیں۔

مزید :

کھیل -