چکن چیز رول گھر میں بنانے کی آسان ترکیب
کراچی (ڈیلی پاکستان آن لائن) چکن چیز رول گھر میں بنانے کی آسان ترکیب آپ بھی جانئے۔
اجزا :
چکن ۔۔۔۔۔۔۔۔۔۔۔۔۔۔250 گرام
نمک ۔۔۔۔۔۔۔۔۔۔۔۔۔۔1/2 چائے کا چمچہ
ادرک لہسن کا پیسٹ ۔۔۔۔۔۔1/2 چائے کا چمچہ
پسی لال مرچ ۔۔۔۔۔۔۔۔۔۔3/4 چائے کا چمچہ
سویا سوس ۔۔۔۔۔۔۔۔۔۔۔۔2 چائے کے چمچے
تیل ۔۔۔۔۔۔۔۔۔۔۔۔۔۔۔2 کھانے کے چمچے
چیڈرچیز ۔۔۔۔۔۔۔۔۔۔۔۔۔۔1/2 کپ
ہرادھنیا ۔۔۔۔۔۔۔۔۔۔۔۔۔4 کھانے کے چمچے
ہری مرچ ۔۔۔۔۔۔۔۔۔۔۔۔3 عدد
درمیانی پیاز ۔۔۔۔۔۔۔۔۔۔۔1 عدد
سموسہ پٹی ۔۔۔۔۔۔۔۔۔۔۔۔250 گرام
تیل ۔۔۔۔۔۔۔۔۔۔۔۔۔۔۔تلنے کیلئے
ترکیب :
تیل گرم کر کے اس میں 1/2 چائے کا چمچہ ادرک لہسن کا پیسٹ ڈال کر فرائی کریں۔اب اس میں 250 گرام چکن ڈال کر اتنا بھونیں کہ اس کا رنگ تبدیل ہو جائے۔پھر اس میں 1/2 چائے کا چمچہ نمک، 3/4 چائے کا چمچہ پسی لال مرچ اور 2 چائے کے چمچے سویا سوس ڈال کر فرائی کریں۔اس کے بعد 1/2 کپ کدوکش چیڈر چیز اور 1 عدد باریک کٹی درمیانی پیاز ڈال کر اتنا پکائیں کہ چیز میلٹ ہو جائے۔اب اس میں 4 کھانے کے چمچے باریک کٹا ہر ادھنیا اور 3 عدد باریک کٹی ہری مرچ ڈال دیں۔پھر فلنگ کو ٹھندا کر لیں۔ اس کے بعد 250 گرام سموسہ پٹی میں فلنگ کو بھر کرلئی کے پیسٹ سے بند کریں اور فرائی کر لیں۔ آخر میں اسے کیچپ کے ساتھ سروکریں۔