پیف نے کوالٹی ایشورنس ٹیسٹ کے شیڈول کا اعلان کر دیا

پیف نے کوالٹی ایشورنس ٹیسٹ کے شیڈول کا اعلان کر دیا

لاہور( خبرنگار) پنجاب ایجوکیشن فاؤنڈیشن نے تعلیمی سال 2015-16ء کے لئے کوالٹی ایشورنس ٹیسٹ کے انعقاد کے مجوزہ شیڈول کا اعلان کر دیا ہے ۔ ایوننگ سکولنگ پراجیکٹ سے منسلک سکولوں کا کوالٹی ایشورنس ٹیسٹ اکتوبر کے دوسرے ہفتے میں منعقد ہو گا ۔ فاؤنڈیشن ایسسٹڈسکول پروگرام کے فیز 9 سے منسلک سکولوں کا امتحان نومبر کے دوسرے ہفتے جبکہ فاؤنڈیشن ایسسٹڈ سکولوں کا 16 واں کوالٹی ایشورنس ٹیسٹ دسمبر کے دوسرے ہفتے پلان کیا گیا ہے ۔ اسی طرح ایجوکیشن ووچر سکیم کا 14 واں اور نیوسکول پروگرام کا 11 واں کوالٹی ایشورنس ٹیسٹ جنوری 2016 ء کے دوسرے ہفتے منعقد کیا جائے گا ۔

پنجاب ایجوکیشن فاؤنڈیشن کے سبجیکٹ بیسڈسپورٹ پروگرام سے منسلک سکولوں کا 9 واں کوالٹی ایشورنس ٹیسٹ جنوری 2016ء کے تیسرے ہفتے پلان کیا گیا ہے ۔ پارٹنر سکولوں کی سہولت کے لئے امتحانی شیڈول پنجاب ایجوکیشن فاؤنڈیشن کی ویب سائٹ پر بھی اپ لوڈ کر دیا گیا ہے ۔

مزید : میٹروپولیٹن 4


loading...