دبئی،رئیل اسٹیٹ سرمایہ کاری میں پاکستان تیسرے نمبرآگیا

دبئی،رئیل اسٹیٹ سرمایہ کاری میں پاکستان تیسرے نمبرآگیا

کراچی(این این آئی)دبئی میں رئیل اسٹیٹ میں سرمایہ کاری کے حوالے سے 10بڑے سرمایہ کاروں کی فہرست میں پاکستان تیسرے نمبر پر آگیا ہے جبکہ بھارت دوسرے نمبر پرہے۔ بھارتی شہریوں نے 10ہزار 628ٹرانزیکشنز کے ذریعے 20اعشاریہ 4 ارب درہم کی سرمایہ کاری کی

جبکہ پاکستانی شہریوں نے جائیداد کے 5 ہزار 398 سودوں کے ذریعے 7 ارب درہم کی سرمایہ کاری کی ہے۔دبئی لینڈ ڈپارٹمنٹ نے ٹاپ ٹین اقوام کی فہرست جاری کی ہے جنہوں نے دبئی کی رئیل اسٹیٹ میں جنوری 2016 سے جون 2017 تک سرمایہ کاری کی۔ متحدہ عرب امارات کے شہری سرمایہ کاری کے لحاظ سے سرفہرست ہیں جنہوں نے جائیدادوں کے 12 ہزار سودوں کے ذریعے 37 اعشاریہ 4 ارب درہم کی سرمایہ کاری کی۔سعودی عرب کے باشندوں نے پانچ ہزار 366 سودوں کے ذریعے ساڑھے 12 ارب درہم کی سرمایہ کاری کی جبکہ برطانوی شہریوں نے چار ہزار 188 سودوں کے ذریعے 9 ارب درہم کی سرمایہ کاری کی ہے۔رپورٹ کے مطابق 217 قومیتوں سے تعلق رکھنے والے افراد نے دبئی کی رئیل اسٹیٹ مارکیٹ میں 151 ارب درہم کی سرمایہ کاری کی جبکہ 10 سرفہرست ممالک میں مصر، چین، اردن، لبنان اور امریکا کے سرمایہ کار شامل ہیں۔

مزید : کامرس

لائیو ٹی وی نشریات دیکھنے کے لیے ویب سائٹ پر ”لائیو ٹی وی “ کے آپشن یا یہاں کلک کریں۔


loading...