لاہور(فلم رپورٹر)اداکارہ زینب شبیر کی نئی ڈرامہ سیریل ”ملال یار“ کامیابی کے ساتھ آن ائیر ہے۔اس سیریل کے آن ایئر ہوتے ہی زینب شبیر کے کیرئر کی پہلی ہیٹ ٹرک مکمل ہوگئی ہے کیونکہ اس سے پہلے ان کی دو ڈرامہ سیریلز ”ایمان“ اور”پیا نام کا دیا“ آن ایئر ہیں جس میں ان کی شاندار پرفارمنس نے ناظرین کو اپنا گرویدہ بنایا ہوا ہے۔اسد جبل کی بنائی گئی سیریل”ملال یار“ میں زینب شبیر نے عزیقہ ڈینئل کی چھوٹی بہن کا کردار کیا ہے جو بہت ہی معصوم،سدھی سادھی اور سب سے پیار کرنے والی لڑکی ہے۔ زینب شبیر کا یہ کردار بعد ازاں فراز فاروقی سے مل کر کہانی آگے بڑھانے کا سبب بنتا ہے۔
زینب شبیر کا اسد جبل کے ساتھ کام کرنے کے بارے میں کہنا ہے کہ وہ بہت ہی پروفیشنل ڈائریکٹر ہیں جن کا فوکس صرف کام پر ہوتا ہے۔ ان کا مزید کہنا ہے کہ میں اس کامیابی پر اللہ تعالی اور اپنی فیملی کا شکر گزار ہوں۔