کربل سے لے کر آج تک عاشور ہی جاری ہے
مرے سینے میں اک درد ہے جو روزِ الست کا ہے
اِک سوگ بھری آواز ہے اور لہجہ مست کا ہے
کچھ ایسے کھیل ہیں پریم کے وہ خود ہی کھیل رہا
کچھ گلے ہیں تو ہیں پر کیا کریں آقا نے منع کیا
اِک تیر کہ جس کے سامنے سر سبز پرندہ ہے
اِک پیاس کہ جس سے ہار کر پانی شرمندہ ہے
کہتے ہیں پانی بند تھا ، میں سُن کر خوب ہنسا
دو ایڑھیاں دھیان میں آ گئیں زم زم مجذوب ہنسا
ہونی کے مالک نے کہا ہونی کو ہونے دو
دن رہے ہمیشہ جاگتا اور رات کو سونے دو
سورج کی حدت بڑھ گئی جب کانپا حجت سے
اور آگ بھڑکنے لگ گئی خیموں کی اجازت سے
کچھ عالم پاک کتاب کے کچھ جاری فتوے تھے
قیدی تھے جن کے پاؤں پر افلاک کے بوسے تھے
سر ڈھانپنے والے بے ردا تقدیر تماشہ ہے
قدرت کے مالک قید ہیں دکھ اتنا زیادہ ہے
روتا ہوں لیکن اشک تو عابد نے بہائے ہیں
دکھی ہوں لیکن درد تو شبیرؑ نے پائے ہیں
ہم کالے کپڑے سلا چکے، عاشور منانا ہے
اور دس دن کا سوگ ہے پھر ناچنا گانا ہے
جو گزری آل رسولؐ پر تیری فہم پہ بھاری ہے
کربل سے لے کر آج تک عاشور ہی جاری ہے
ندیم بھابھہ
Miray Seenay Men Ik dard Hay Jo Roz e Alast Say Hay
Ik Sog Bhari Awaaz Hay Aor Lehja Mast Ka hay
Kuch Aisy Khail Hen Praim kay Woh Khud Hi Khail Raha
Kuch Gilay Hen To Hen Kia Karen AAQA Nay Mnaa Kia
Ik TeerKeh Jiss K Saamnay SarSabz Parinda Hay
Ik Payaas Keh Jiss Say Haar kar Paani Sharminda Hay
Kehtay Hen Paani Band Tha, Main Sun Kar Khoob Hansa
Do Airrhiaan Dhayaan Men Aa Gaen ,ZAM ZAM Khoob Hansa
Honi K Maalik Nay Kha Honi Ko Honay Do
Din Rahay Jaagta Aor Raat Ko Sonay Do
Sooraj Ki Hiddat Barrh Gai Jab Kaanpa Hujjat Say
Aor Aag Bharraknay Lagg Gai Khaimon Ki Ijaazat Say
Kuch Aalam Pak Kitaab K Kuch Fatway Jaari Thay
Qaidi Thay Jin K Paaon Par Aflaak K Bosay Thay
SarDhaanpnay Waalay Be Rida Taqder Tamaasha Hay
Qudrat K Maalik Qaid Hen dukh Itna Ziaada hay
Rota Hun Lekin Ashk To AABID Nay Bahaaey Hen
Dukhhi Hun Lekin Dard tTo SHABBEER Nay Paaey Hen
Ham Kaalay Kaprray SIla Chukay Aashoor manaana Hay
Aor Dass Din Ka Sog Hay Phir Naachna Gaana Hay
Jo Guzri Aal e Rasoool Par Tiri Fehm Say Bhaari Hay
Karballl Say Lay Kar Aaj Tak AaShoor Hi Jaari Hay
Nadeem Bhabha