ڈولفن وپولیس ریسپانس یونٹ کی گذشتہ ہفتے کی کارکردگی رپورٹ جاری کر دی گئی
لا ہو ر (کر ائم رپو رٹر)ڈولفن وپولیس ریسپانس یونٹ کی گذشتہ ہفتے کی کارکردگی رپورٹ جاری کر دی۔ ایس پی راشد ہدایت نے گذشتہ ہفتے کی کارکردگی رپورٹ آگاہ کرتے ہوئے بتایاکہ ڈولفن سکواڈ اور پولیس ریسپانس یونٹ کے جوان ہیلپ لائن15پر موصولہ تمام235کالزپر فوری ریسپانس عمل میں لائے۔ڈکیتی و چوری کی وارداتوں میں ملوث68 ملزمان کو گرفتار کر کے اْن کے قبضہ سے کار،52موٹرسائیکلیں،16موبائل فونز اور 30 ہزار روپے سے زائد نقدی برآمد کی گئی۔ناجائزاسلحہ کیخلاف کارروائی کرتے ہوئے 14 پسٹلز، 04 رائفلز،01پمپ ایکشن،20میگزین اور درجنوں گولیاں برآمد کی گئیں۔ منشیات کے خلاف کارروائی کے دوران29 بوتلیں شراب سمیت بھاری مقدار میں منشیات برآمد کی گئیں۔دوران پٹرولنگ 02 لاکھ 95 ہزار 989 موٹر سائیکلوں،35 گاڑیوں اور 02 لاکھ 42 ہزار سے زائد اشخاص کی چیکنگ عمل میں لائی گئی جبکہ 658 موٹر سائیکلوں،02 گاڑیوں کو تھانوں میں بند جبکہ 230اشخاص کوکوائف نامکمل ہونے پر حراست میں لیا گیا۔جعلی نمبرپلیٹس والی09موٹر سائیکلوں کے خلاف کارروائی عمل میں لاکر مقدمات درج کئے گئے۔ پتنگ بازی میں 12،ون ویلنگ میں 30جبکہ ا?تش بازی و ہوائی فائرنگ میں 2,2ملزمان گرفتار کئے گئے۔ڈولفن سکواڈ اورپولیس ریسپانس یونٹ کے جوانوں نے دوران پٹرولنگ 04اشتہاری،34 عادی جبکہ30عدالتی مجرمان کو بھی گرفتار کیا۔
