سیلاب متاثرین کو منتقل کرنے والی کشتی الٹ گئی، 13 افراد جاں بحق

سیلاب متاثرین کو منتقل کرنے والی کشتی الٹ گئی، 13 افراد جاں بحق
سیلاب متاثرین کو منتقل کرنے والی کشتی الٹ گئی، 13 افراد جاں بحق
کیپشن: File Photo

  IOS Dailypakistan app Android Dailypakistan app

جامشورو  (ویب ڈیسک) سیہون  شریف میں سیلاب متاثرین کو محفوظ مقام پرمنتقل کرنے والی کشتی الٹ گئی جس کے نتیجے میں 13 افراد ڈوب کر جاں بحق ہوگئے۔

ڈپٹی کمشنر جامشورو کے مطابق سیلاب سے متاثرہ گاؤں بلال پور میں ریسکیو کارروائیوں کے دوران کشتی الٹنے کا واقعہ پیش آیا، کشتی میں سوارسیلاب متاثرین محفوظ مقام پرمنتقل ہورہےتھےکہ کشتی الٹ گئی اور 13 افرا ڈوب کر جاں بحق ہوگئے۔ ڈپٹی کمشنر کا کہنا ہے کہ کشتی میں سوار8 افراد کوبچالیاگیا اور 4 کی تلاش جاری ہے۔

دوسری جانب پیپلزپارٹی کے چیئرمین و وزیرخارجہ بلاول بھٹو زرداری نے کشتی الٹنے کے حادثے میں قیمتی انسانی جانوں کے ضیاع پر افسوس کا اظہار کیا اور کہاکہ نقل مکانی کرنے والے سیلاب متاثرین کو پیش آنے والے حادثے کی خبر سے صدمہ پہنچا ہے۔