محمد عامر معافی مانگ چکے،سپورٹ کیاجائےاور ڈریسنگ روم کا ماحول خراب کرنے والے کیلئے ٹیم میں کوئی جگہ نہیں:شاہد آفریدی

محمد عامر معافی مانگ چکے،سپورٹ کیاجائےاور ڈریسنگ روم کا ماحول خراب کرنے ...
محمد عامر معافی مانگ چکے،سپورٹ کیاجائےاور ڈریسنگ روم کا ماحول خراب کرنے والے کیلئے ٹیم میں کوئی جگہ نہیں:شاہد آفریدی

  


لاہور(آن لائن)پاکستان ٹی ٹوئنٹی ٹیم کے کپتان شاہد آفریدی نے کہا ہے کہ محمد عامراپنے کیے کی سزا بھگت چکا،سب سے معافی بھی مانگ چکا ،اب اسے سپورٹ کیا جائے جو کھلاڑی ڈریسنگ روم کا ماحول خراب کرے گا اس کی قومی ٹیم میں کوئی جگہ نہیں۔محمد عامر کے کھیلنے پر ٹیسٹ اور ون ڈے کے کپتان تو تحفظات رکھتے ہیں لیکن ٹی ٹوئنٹی ٹیم کے قائد شاہد آفریدی نے لیفٹ آرم فاسٹ بولر کی کھل کر حمایت کردی ہے بلکہ اپنے ساتھیوں کو بھی اس کی ترغیب دے رہے ہیں۔محمد حفیظ ،اظہر علی اور چند کھلاڑی محمد عامر کے ساتھ کھیلنے پر رضامند تو گئے لیکن تاحال ان کے تحفظات برقرار ہیں ،لیکن ٹی ٹوئنٹی کپتان شاہد آفریدی محمد عامر کو بھر پور سپورٹ کر رہے ہیں،بلکہ انہوں نے تو عامر کی مخالفت کرنے والے پلیئرز کو ڈھکے چھپے لفظوں میں یہ پیغام بھی دیدیا ہے کہ جو ڈریسنگ روم کا ماحول خراب کرے گا اس کی ٹیم میں کوئی جگہ نہیں۔ذرائع کے مطابق شاہد آفریدی نے تو کیمپ میں شریک کھلاڑیوں کے ایک گروپ یکجا کیا اور انہیں عامر کی سپورٹ پر آمادہ بھی کیا،ساتھ ہی انہیں یہ پیغام بھی دیا کہ جو کھلاڑی ایسا نہیں کرے گا،ٹیم کے ماحول پر اثر انداز ہو گا اس کی پاکستانی ٹیم میں کوئی جگہ نہیں۔ویسے پاکستان کرکٹ بورڈ بھی کھلاڑیوں سے عامر کی مخالفت نہ کرنے کا بیان حلفی لے چکا ہے۔

مزید : کھیل


loading...