ہوائی جہاز کے بعد ریل گاڑیوں   میں بھی تمباکو نوشی پر پابندی عائد 

    ہوائی جہاز کے بعد ریل گاڑیوں   میں بھی تمباکو نوشی پر پابندی عائد 

  



 لاہور(این این آئی)ہوائی جہاز کے بعد ریل گاڑیوں میں بھی تمباکو نوشی پر پابندی عائد کر دی گئی۔آئی جی پولیس ریلوے آفس نے تمباکو نوشی پر پابندی سے متعلق مراسلہ جاری کر دیا ہے جس میں کہا گیا ہے کہ ریلوے اسٹیشنزاور ریلوے کے دفاتر میں تمام اقسام کی تمباکو نوشی پر پابندی عائد کر دی گئی ہے۔مراسلے میں کہا گیا ہے کہ ملک کے تمام ریلوے اسٹیشنز اور دفاتر پر اس فیصلے کا اطلاق ہوگا، پابندی امتناع تمباکو نوشی آرڈیننس 2002 کے تحت عائد کی گئی ہے، تمباکو نوشی پر پابندی کا فیصلہ وزارت قومی صحت کی سفارش پر کیا گیا۔مراسلے کے مطابق ریلوے اسٹیشنز کی حدود میں تمام اقسام کی تمباکو نوشی پر پابندی ہوگی، ریلوے اسٹیشنز پر دکان دار، ویٹرز، ہاکر، قلی تمباکو نوشی نہیں کر سکیں گے، قانون شکن کے خلاف امتناع تمباکو نوشی ایکٹ کے تحت کارروائی ہوگی، امتناع تمباکو نوشی آرڈیننس کے تحت ٹرینیں پبلک ٹرانسپورٹ ہیں۔وزارت ریلوے کے افسران قانون شکنوں کے خلاف کارروائی کے مجاز مقرر کیے گئے ہیں، ٹرین ڈرائیور، کنڈیکٹر، گارڈ، ویٹنگ روم منیجر مجاز افسران ہوں گے، ریلوے پولیس کا اے ایس آئی، بالا رینک افسر کارروائی کا مجاز ہوگا، پولیس متعلقہ ریلوے اسٹیشن پر قانون پر عمل درآمد کے لیے ذمہ دار ہوگی۔

سگریٹ پابندی

مزید : صفحہ اول


loading...