قائد اعظم ٹرافی فائنل، سینٹرل پنجاب کی 675رنز پر اننگز  ڈیکلیئر 

  قائد اعظم ٹرافی فائنل، سینٹرل پنجاب کی 675رنز پر اننگز  ڈیکلیئر 

  



لاہور (سپورٹس رپورٹر) قائد اعظم کرکٹ ٹرافی فائنل میچ کے تیسرے روز سینٹرل پنجاب نے اپنی پہلی اننگز 421 رنز کی برتری کے ساتھ 675 رنز 8 کھلاڑی آؤٹ پر ڈیکلیئر کر دی، عمر اکمل نے 218 رنز کی دلکش اننگز کھیلی، ظفر گوہر 99 رنز بناکر آؤٹ ہوئے، ناردرن نے کھیل کے اختتام پر اپنی دوسری اننگز میں 2 وکٹوں کے نقصان پر 109 رنز بنا لئے اور اسے اننگز کی شکست سے بچنے کیلئے مزید 312 رنز درکار ہیں، حیدر علی 50 رنز کے ساتھ وکٹ پر موجود ہیں۔ اتوار کو نیشنل سٹیڈیم، کراچی میں میچ کے تیسرے روز سینٹرل پنجاب نے اپنی پہلی نامکمل اننگز 466 رنز 5 کھلاڑی آؤٹ پر دوبارہ شروع کی تو عمر اکمل 123 اور ظفر گوہر 9 رنز پر ناٹ آؤٹ تھے، دونوں بلے بازوں نے چھٹی وکٹ میں 215 رنز کی شراکت قائم کرکے ٹیم کا سکور 656 تک پہنچا دیا، ظفر گوہر بدقسمت رہے اور 99 رنز پر فیضان ریاض کی گیند پر صدف حسین کے ہاتھوں کیچ آؤٹ ہوگئے، عمر اکمل نے ایک طرف سے جارحانہ بیٹنگ کا سلسلہ جاری رکھا اور 265 گیندوں پر 218 رنز کی عمدہ اننگز کھیلی جس میں 8 چھکے اور 20 چوکے شامل تھے، سینٹرل پنجاب نے پہلی اننگز میں 421 رنز کی برتری حاصل کرنے کے بعد 675 رنز 8 کھلاڑی آؤٹ پر اننگز ڈیکلیئر کر دی۔ نعمان علی، محمد موسیٰ اور فیضان ریاض نے دو، دو کھلاڑیوں کو آؤٹ کیا، ناردرن نے کھیل کے اختتام پر اپنی دوسری اننگز میں 2 وکٹوں کے نقصان پر 105 رنز بنا لئے اور اسے اننگز کی شکست سے بچنے کیلئے مزید 312 رنز درکار ہیں، ذیشان ملک 38 اور عمر امین 17 رنز بناکر آؤٹ ہوئے جبکہ حیدر علی 50 رنز کے ساتھ ناٹ آؤٹ ہیں، بلال آصف اور فہیم اشرف نے ایک، ایک وکٹ حاصل  کی۔

مزید : کھیل اور کھلاڑی