بنگلہ دیش میں ریکارڈ سرد ی اور موسم کی خرابی کے باعث 50افراد ہلاک 

بنگلہ دیش میں ریکارڈ سرد ی اور موسم کی خرابی کے باعث 50افراد ہلاک 

  



ڈھاکہ(مانیٹرنگ ڈیسک) بنگلادیش میں ریکارڈ سردی اور موسم کی خرابی کے باعث 50 افراد لقمہ اجل بن گئے، ہلاک ہونیوالوں میں زیادہ تر بچے اور بزرگ شہری شامل ہیں۔بین الاقوامی خبر رساں ادارے کے مطابق بنگلادیش میں جمادینے والی سردی نے 50 جانوں کی زند گیوں کے چراغ گل کر دیئے۔ شمالی سرحدی علاقے میں رواں سال کا سب سے کم درجہ حرارت 4.5 سینٹی گریڈ ریکارڈ کیا گیا ہے۔محکمہ صحت کی جانب سے جاری کردہ اعداد وشمار کے تحت نومبر اور دسمبر میں قاتل سردی اور خراب موسم میں 50 افراد ہلاک ہوچکے ہیں جن میں سے 17 افراد نظام تنفس میں انفیکشن (نمونیا وغیرہ) کے باعث جب کہ 33 ڈائیریا کے مرض میں ہلاک ہوئے۔محکمہ صحت کے ترجمان کا کہنا تھا کہ ہلاکتوں کی وجہ سردی سے بچاو? کیلیے مناسب اقدامات کا نہ ہونا تھا۔ بچے اور ضعیف افراد نمونیا کا شکار ہو کر لقمہ اجل بنے۔ غربت اور لاعلمی کے باعث ہلاکتوں میں اضافہ ہوا۔واضح رہے کہ ماحولیاتی تبدیلیوں کے باعث برپا ہونے والے موسمی تغیرات نے ہلاکت خیزی اختیار کرلی ہے۔ بے موسم کی بارشوں اور گلشیئرز پگھلنے کے عمل نے فطرت کی جانب سے خطرے کی گھنٹی بجادی ہے۔

بنگلہ دیش

مزید : صفحہ آخر