ندا یاسر نے اداکاراﺅں کو پورے نمبر نہ د ینے کی وجہ بتا دی

کراچی (آئی این پی) پاکستانی معروف میزبان ندا یاسر نے حال ہی میں ایک نجی ٹی وی شو میں بطور مہمان شرکت کی اور متعدد دلچسپ موضوعات پر گفتگو کی۔ ندا یاسر سے شو کے میزبان نے اداکارانہ صلاحیتوں کو مدِ نظر رکھتے ہوئے تمام مشہور اداکاراﺅں کو 10 میں سے نمبر دینے کو کہا جس کے بعد انہوں نے اداکارہ مایا علی کو 9.5، عائزہ خان کو 8.5، جبکہ سارہ خان، منال خان اور ماورہ حسین کو 7.5 نمبر دیے۔ ندا یاسر کی رائے جاننے کے بعد میزبان نے پوچھا کے آپ نے کسی کو بھی پورے 10 نمبر نہیں دیے اور زیادہ تر کو صرف 7.5 نمبر دیے ہیں، اس کی کوئی خاص وجہ ہے۔ جس پر ندا یاسر نے کہا کہ بہتری کی گنجائش تو ہمیشہ ہی رہتی ہے۔