بلوچستان کی ترقی کیلئے سیاسی وابستگی سے بالا تر ہوکر کام کرنا ہو گا: صاد ق سنجرانی 

بلوچستان کی ترقی کیلئے سیاسی وابستگی سے بالا تر ہوکر کام کرنا ہو گا: صاد ق ...

  

  اسلام آباد (این این آئی)چیئرمین سینیٹ محمد صادق سنجرانی سے بلوچستان سے تعلق رکھنے والی رکن اسمبلی منورہ بی بی بلوچ اور سندھ کی رکن قومی اسمبلی سائرہ بانو نے پارلیمنٹ ہاؤس میں ملاقات کی۔ ملاقات میں بلوچستان اسمبلی کی نشستیں بڑھانے کے مسئلے پر تبادلہ خیال کیا گیا۔ چیئرمین سینیٹ نے کہا کہ بلوچستان کی صوبائی اسمبلی کی نشستیں بڑھانے سے متعلق قانونی مسودہ تمام جماعتوں کی حمایت سے سینیٹ سے منظور ہو چکا ہے اور قومی اسمبلی سے منظوری کیلئے بھی اسی اتفاق رائے کے ساتھ آگے بڑھنے کی ضرورت ہے۔ انہوں نے کہا کہ بلوچستان ایک اہم صوبہ ہے اور اس کی ترقی اور خوشحالی کیلئے سیاسی وابستگی سے بالا تر ہو کر کام کرنا ہو گا۔ انہوں نے دونوں اراکین اسمبلی کو اس ضمن میں اپنا کردار ادا کرنے پر زور دیا اور کہا کہ وہ اس بل کیلئے دو تہائی اکثریت کی حمایت کے حصول کیلئے مہم کا حصہ بنے اور مشاورتی عمل میں بھی اپنا حصہ ڈالیں۔ خواتین اراکین اسمبلی نے چیئرمین سینیٹ کو اپنے بھر پور تعاون کا یقین دلایا۔ انہوں نے چیئرمین سینیٹ کی کاوشوں کو خراج تحسین پیش کیا۔ 

صادق سنجرانی 

مزید :

صفحہ آخر -