فوادچودھری کو دوپہر3 بجے اسلام آباد کچہری پیش کیا جائے گا، ڈی ایس پی لیگل نے عدالت کو آگاہ کردیا
اسلام آباد(ڈیلی پاکستان آن لائن)الیکشن کمیشن کو دھمکیاں دینے کے کیس میں پولیس کی جانب سے ڈی ایس پی لیگل نے عدالت کو آگاہ کرتے ہوئے کہاکہ فوادچودھری کو دوپہر3 بجے اسلام آباد کچہری پیش کیا جائے گا۔
نجی ٹی وی چینل ایکسپریس نیوز کے مطابق الیکشن کمیشن کو دھمکیاں دینے کے کیس کی جوڈیشل مجسٹریٹ وقاص احمد راجہ نے سماعت کی ،فوادچودھری کے وکیل بابراعوان عدالت کے سامنے پیش ہوئے۔
عدالت نے کہا کہ عدالت کو بتایا گیاہے کہ ساڑھے 11 بجے دبئی کے حکمران آ رہے ہیں ، پولیس کے مطابق سڑکیں بند ہونے کی وجہ سے عدالت پیش نہیں کیاگیا۔
جوڈیشل مجسٹریٹ نے کہاکہ شاید رات کوفوادچودھری کا میڈیکل ہوگیا ہے،ابھی میڈیکل رپورٹ آئی نہیں، رپورٹ بھی آجاتی ہے، عدالت نے نائب کورٹ کو ہدایت کرتے ہوئے کہاکہ پولیس کب پیش کرے گی؟ ابھی پتہ کرکے بتائیں ۔
پولیس کی جانب سے ڈی ایس پی لیگل نے عدالت کو آگاہ کرتے ہوئے کہاکہ فوادچودھری کو دوپہر3 بجے اسلام آباد کچہری پیش کیا جائے گا۔
