پنجاب میں تحریک انصاف اور ق لیگ کا مل کر حکومت بنانے کا فیصلہ ، وزیر اعلیٰ کس پارٹی کا ہو گا؟ اعلان ہوگیا

پنجاب میں تحریک انصاف اور ق لیگ کا مل کر حکومت بنانے کا فیصلہ ، وزیر اعلیٰ کس ...
پنجاب میں تحریک انصاف اور ق لیگ کا مل کر حکومت بنانے کا فیصلہ ، وزیر اعلیٰ کس پارٹی کا ہو گا؟ اعلان ہوگیا

  

اسلام آباد (ڈیلی پاکستان آن لائن)تحریک انصاف کے مرکزی رہنما فواد چودھری نے کہا ہے کہ مرکز اور پنجاب میں اکثریت حاصل کرلی قوم کو مبارکباد دیتاہوں ، وزیر اعلیٰ پنجاب تحریک انصاف کا ہوگا ۔ق لیگ مرکز اور پنجاب میں تحریک انصاف کی حکومت کا حصہ ہوگی ۔

تفصیلات کے مطابق میڈیا سے گفتگوکر تے ہوئے تحریک انصاف کے ر ہنما فواد چودھری نے کہا ہے کہ تحریک انصاف نے وفاق اور پنجاب اپنے نمبر پورے کرلئے ہیں ، ق لیگ پنجاب اور مرکز میں تحریک انصاف کی حکومت کا حصہ ہوگی ۔انہوں نے کہا کہ لاہور اور اسلام آباد میں حکومت ہماری ہوگی ۔ اس پر قوم کو مبارکباد دیتاہوں ۔انہوں نے کہا کہ قومی اسمبلی میں ہمار ے پا س 168ارکان کی حمایت موجود ہے ۔ پنجاب اسمبلی میں اس وقت ہماری نشستیں خواتین، آزاد امیدواروں اور اتحادی جماعتوں کو اکٹھا کرکے 180کے قریب ہوگئی ہیں۔ انہوں نے کہا کہ بلوچستان میں تحریک انصا ف کی مخلوط حکومت کا قیام عمل میں لایا جائے گا اور اس کے لئے مذاکرات جاری ہیں۔ وزیر اعلیٰ پنجاب تحریک انصاف سے ہوگا اور اس کا فیصلہ عمران خان کریںگے ۔ انہوں نے کہا کہ جہانگیر ترین کراچی جارہے ہیں جہاں وہ ایم کیو ایم سے بات چیت کریں گے ۔

مزید : Breaking News /اہم خبریں /قومی