بارشوں میں مگر مچھ جھیل سے نکل کر دیہاتوں کا رخ کرنے لگے

بارشوں میں مگر مچھ جھیل سے نکل کر دیہاتوں کا رخ کرنے لگے

  

کراچی (سٹاف رپورٹر)صوبہ سندھ میں موسلا دھار بارشوں کے بعد ٹھٹھہ کی ہالیجی جھیل سے مگر مچھ باہر نکل کر دیہاتوں کا رخ کرنے لگے جس سے مقامی افراد پریشان ہوگئے۔تفصیلات کے مطابق ٹھٹھہ کی ہالیجی جھیل میں موجود مگر مچھ بارشوں کے بعد باہر نکل کر دیہاتوں میں جانے لگے، گزشتہ رات بھی ایک مگر مچھ جھیل سے نکل کر ایک گاں کے قریب پہنچ گیا۔مقامی افراد کا کہنا ہے کہ گزشتہ چند روز میں کئی گاؤں والے مگر مچھوں کے حملے کا نشانہ بنے ہیں۔جھیل سے باہر آنے والے مگر مچھوں کو محکمہ جنگلی حیات اور مقامی افراد کی مدد سے دوبارہ جھیل میں چھوڑا جاتا ہے۔خیال رہے کہ مون سون کے حالیہ اسپیل نے صوبے کو بری طرح متاثر کیا ہے اور اکثر علاقے سیلابی صورتحال کا شکار ہیں، بارشوں کے باعث درجنوں اموات ہوچکی ہیں، جبکہ ہزاروں مکانات تباہ اور سڑکیں ٹوٹ پھوٹ کا شکار ہیں۔

مزید :

پشاورصفحہ آخر -