پیپسی کی جانب سے چائلڈ ایجوکیشن پروگرام لانچ کر دیا گیا

پیپسی کی جانب سے چائلڈ ایجوکیشن پروگرام لانچ کر دیا گیا

  

کراچی (سٹاف رپورٹر)پیپسی کو پاکستان نے انسٹی ٹیوٹ آف رورل ڈویلپمنٹ (آئی آر ایم) کے ساتھ شراکت کے ذریعے  اپنا نیا 'چائلڈ ایجوکیشن پروگرام' شروع کیا ہے تاکہ پیپسی کو کے آپریشنز کے قریب دیہی زرعی کمیونٹیز میں رہنے والے اسکول سے باہر بچوں  کو تعلیم دی جائے اور انہیں مرکزی دھارے کی تعلیمی نظام میں ضم کرنے کے لیے تیار کیا جا سکے۔ پروگرام کے آغاز کا اعلان پیپسی کو پاکستان کے سینئر ڈائریکٹر سپلائی چین اینڈ آفس آف سسٹین ایبلٹی لیڈ، پیپسی کو پاکستان سید ایم ابوالحسن کاظمی  اور پروگرام مینیجر آئی آر ایم عاصم رضا کی موجودگی میں ایک دستخطی تقریب کے دوران کیا گیا۔پیپسی کو چائلڈ ایجوکیشن پروگرام کے تحت، آئی آر ایم پنجاب کے ضلع قصور میں دیہی  علاقوں کے لیے پانچ سمارٹ اسکول تیار کرے گا۔ سمارٹ اسکول کم لاگت والے تعلیمی سیٹ اپ ہیں جو اسکول سے باہر بچوں کو ملٹی گریڈ  کلاس روم کی ترتیب میں تعلیم دینے کے لیے موجود وسائل کا فائدہ اٹھاتے ہیں۔ یہ پروگرام قومی نصاب کے مطابق مفت تعلیمی پروگرام پیش کرے گا اور ان بچوں کی ضروریات کے مطابق بنایا جائے گا جو محدود  رسائی یا تعلیم میں دیگر  عام رکاوٹوں کی وجہ سے سرکاری اسکولوں کے نظام تک رسائی سے قاصر ہیں۔مزید برآں، قصور کے گاؤں فتح پور میں پیپسی کو کے آلو کے فارمز میں فیلڈ ورکرز کے طور پر کام کرنے والی ماؤں کے لیے بچوں کا ڈے کیئر سنٹر بھی قائم کیا گیا ہے، جو زرعی سرگرمیاں کام جاری رکھنے اور آمدنی سے فائدہ اٹھانے کے لیے معمول کی رکاوٹوں سے نمٹنے میں ان کی مدد کرتا ہے۔ پیپسی کو کی آن فارم ڈے کیئر کی سہولت میں ایک پلے روم، لرننگ سینٹر اور آؤٹ ڈور پلے ایریا شامل ہے۔دستخط کی تقریب کے دوران سید ایم ابوالحسن کاظمی، سینئر ڈائریکٹر سپلائی چین اینڈ آفس آف سسٹین ایبلٹی لیڈ، پیپسی کو پاکستان نے کہا“پاکستان میں بہت زیادہ بچے اسکول سے باہر ہیں اور ملک کو خاص طور پر وبائی مرض کورونا کے بعد سے پڑھائی کے عمل میں نقصان ہوا ہے۔ چائلڈ ایجوکیشن پروگرام ایک مثبت ویلیو چین کی تعمیر اور نوجوان بچوں کے لیے سیکھنے اور ترقی کے مواقع کو آگے بڑھا کر ہماری کاشتکار  کمیونٹی  کو مضبوط بنانے کے عزم پر مبنی ہے۔”یہ پروگرام کمپنی کے وسیع تر پیپ پازیٹیو   تبدیلی کے ایجنڈے کے ایک حصے کے طور پر شروع کیا گیا ہے جو لوگوں کے لیے مثبت اقدام کرنے اور ان کمیونٹیز کو فائدہ پہنچانے پر مرکوز ہے جہاں پیپسی کو کام کرتی ہے۔ ایک سرکردہ عالمی کمپنی کے طور پر، پیپسی کو اپنے پیمانے اور اثر و رسوخ کا مثبت طور پر فائدہ اٹھاتے ہوئے کمیونٹی پر مبنی شراکت داریوں کو آگے بڑھا رہی ہے جو لوگوں کو خاص طور پر نوجوانوں اور بچوں کو ان کی مکمل صلاحیتوں کا ادراک کرنے میں مدد فراہم کرتی ہے۔آئی آر ایم صلاحیت کی  بہتری اور سیکھنے کی ایک اہم سہولت ہے جو مختلف قسم کے تربیتی پروگرام پیش کرتی ہے جو خاص طور پر دیہی  کمیونٹی کی ضروریات کو پورا کرنے کے لیے بنائے گئے ہیں۔ اب تک، آئی آر ایم نے پاکستان بھر میں 61 سمارٹ اسکول قائم کیے ہیں، جن میں کل 2,010 بچوں کو تعلیم دی جارہی ہے، جن میں زیادہ تر لڑکیاں ہیں۔عاصم رضا، پروگرام منیجر آئی آر ایم نے پروگرام کی اہمیت پر روشنی ڈالی اور بتایا“سمارٹ سکول بچوں کو معیاری تعلیم فراہم کرنے کا ایک موثر اور کم لاگت کا طریقہ ہے جس کے وہ مستحق اور حقدار ہیں۔ اس اہم مقصد کے لیے ہمارے ساتھ ہاتھ ملانے کے لیے ہم پیپسی کو کے شکر گزار ہیں۔”

مزید :

پشاورصفحہ آخر -