چیئرمین نیب ویڈیو سکینڈل کی مرکزی کردار طیبہ گل کی گاڑی پر فائرنگ

چیئرمین نیب ویڈیو سکینڈل کی مرکزی کردار طیبہ گل کی گاڑی پر فائرنگ
چیئرمین نیب ویڈیو سکینڈل کی مرکزی کردار طیبہ گل کی گاڑی پر فائرنگ

  

جھنگ (ڈیلی پاکستان آن لائن) چیئرمین نیب ویڈیو سکینڈل کی مرکزی کردار طیبہ گل کی گاڑی پر فائرنگ کا واقعہ پیش آیا ہے۔

طیبہ گل کے بیٹے سہیل فاروق کی جانب سے جھنگ کے تھانہ سیٹلائٹ ٹاون میں اندراج مقدمہ کی درخواست دی گئی ہے۔ سہیل فاروق نے درخواست میں بتایا ہے کہ طیبہ گل اور ان کے شوہر جو گاڑی استعمال کرتے ہیں ، وہ گاڑی اتفاق سے رات کو ان کے بچے استعمال کر رہے تھے۔ رات کو نامعلوم موٹرسائیکل سواروں نے ان کی گاڑی کو روکنے کی کوشش کی، مگر وہ نہیں رکے اور گاڑی بھگادی جس پر ملزمان نے فائرنگ کردی۔

پولیس نے سہیل فاروق کی درخواست پر مقدمہ درج کرکے تحقیقات شروع کردی ہیں۔ دوسری جانب طیبہ گل کے شوہر فاروق نول کا کہنا ہے کہ اصل ٹارگٹ میں اور میری اہلیہ تھے۔

خیال رہے کہ طیبہ گل چیئرمین نیب کی ایک متنازعہ ویڈیو سامنے لے کر آئی تھیں، جس کے بعد خوب ہنگامہ ہوا تھا۔

مزید :

Breaking News -علاقائی -اسلام آباد -پنجاب -جھنگ -