"لوگ اگر یہ کام کریں تو کوئی بھوکا نہیں رہے گا" مولانا طارق جمیل نے بہترین مشورہ دے دیا
لاہور (ڈیلی پاکستان آن لائن) معروف عالم دین مولانا طارق جمیل کا کہنا ہے کہ اگر لوگ زکوٰۃ نکالیں تو کوئی بھوکا نہیں رہے گا۔
نجی ٹی وی جیو نیوز کے پروگرام میں گفتگوکرتے ہوئے مولانا طارق جمیل نے کہا کہ لوگ اگر زکوٰۃ نکالیں تو کوئی بھوکا نہیں رہے گا، کوروناسےمتعلق موجودہ صورتحال میں احتیاط برتنےکی ضرورت ہے، لوگ اگر زکوۃ نکالیں تو پورے پنجاب میں کوئی بھوکا نہیں رہے گا، مالدار افراد غریبوں کے گھر جاکر راشن پہنچائیں۔
انہوں نے کہا کہ حاکم کاایک غلط فیصلہ ملک کوتباہ کرسکتا ہےایک صحیح قدم ملک کوبچا سکتا ہے، ہم سیاسی لحاظ سے بھی گروہ بن چکے اور مذہبی لحاظ سے بھی گروہوں میں بٹ چکے ہیں،مشکل صورت حال ہے حکومت کوچاہیے اپوزیشن کوساتھ ملائے۔
انہوں نے کہا کہ قوم کو ایک پیغام ہے جھوٹ بولنا چھوڑ دیں ہمیشہ سچ بولیں ،رشوت نہ دیں،ملاوٹ نہ کریں،وعدہ خلافی نہ کریں،ظلم نہ کروانصاف کرو۔
