جنوبی افریقی بلے باز رچرڈ لیوی سر پر گیند لگنے سے زخمی

جنوبی افریقی بلے باز رچرڈ لیوی سر پر گیند لگنے سے زخمی

  

لندن (آئی این پی)جنوبی افریقی بیٹسمین رچرڈ لیوی انگلش کاؤنٹی کے میچ میں سر پر گیند لگنے سے زخمی ہو گئے جس کے بعد انہیں فوری طور پر اسپتال منتقل کردیا گیا۔انگلش کانٹی کے سیکنڈ ڈویژن کے میچ میں ووسٹرشائر کے خلاف نارتھ ہیمپٹن شائر کی جانب سے کھیلتے ہوئے رچرڈ لیوی زخمی ہوئے۔میچ میں ووسٹرشائر کے جوش ٹونگ کی گیند 29 سالہ لیوی کے ہیلمٹ پر لگی جس کے بعد وہ زمین پر ڈھیر ہو گئے اور انہیں فوری طور پر اسپتال منتقل کیا گیا۔جب رچرڈ لیوی کے سر پر گیند لگی، اس وقت وہ 28 رنز پر بیٹنگ کر رہے تھے لیکن انجری کے سبب وہ ریٹائرڈ ہرٹ ہو گئے۔بعد میں ایک ٹوئٹ کے ذریعے رچرڈ لیوی نے اپنی صحتیابی کی اطلاع دیتے ہوئے بتایا کہ ان کی حالت خطرے سے باہر ہے۔یاد رہے رچرڈ لیوی جنوبی افریقہ کی جانب سے تیز ترین ٹی20 انٹرنیشنل سنچری بنانے کا ریکارڈ رکھتے ہیں جو انہوں نے نیوزی لینڈ کے خلاف 45 گیندوں پر سنچری بنا کر حاصل کیا تھا۔

مزید :

کھیل اور کھلاڑی -