باہمی یادداشت پر دستخط،پاکستان بحرین کیلئے6 بکتر بند گاڑیاں تیار کرے گا

باہمی یادداشت پر دستخط،پاکستان بحرین کیلئے6 بکتر بند گاڑیاں تیار کرے گا

  

ٹیکسلا(این این آئی)پاکستان کے دفاعی پیداوار کے شعبے نے مقامی طور پر تیارکردہ بکتربند گاڑیاں بحرین کو فراہم کرنے کیلئے معاہدے پر دستخط کردیئے۔ میڈیا رپورٹ کے مطابق انٹرسیپٹر نامی یہ بکتر بند گاڑیاں ہلکے ہتھیاروں سے لیس ہے۔واضح رہے دفاعی پیداوار کا صنعتی کمپلیکس ہیوی انڈسٹریز ٹیکسلا (ایچ آئی ٹی)، جو ٹینک کی تیاری اور مرمت کے ساتھ فوج کیلئے خاص بکتر بند گاڑیاں بناتا ہے ٗبحرین نیشنل گارڈز کیلئے 6 عدد انٹرسیپٹرز بنائے گا۔ذرائع کے مطابق اس سلسلے میں ہیوی انڈسٹری ٹیکسلا کے چیف لیفٹیننٹ جنرل نعیم اشرف اور بحرین کے بادشاہ حماد بن عیسٰی الخلیفہ کے بھائی لیفٹیننٹ جنرل محمد بن عیسٰی الخلیفہ کے درمیان ایک باہمی یادداشت پر دستخط کیے گئے۔اس موقع پر ان کا کہنا تھا کہ یہ گاڑیاں داخلی صورتحال اور محدود پیمانے پر ہونے والی پرتشدد کاروائیوں کو روکنے کے مقصد کے تحت مسلح افواج کیلئے بنائی جائیں گی۔

بکتر بند گاڑیاں

مزید :

علاقائی -